John Bolton le Nancy nih Trump a phomh tthan hoi; An bia a fak tak tak

USA a buai ning hi cu a buai tak tak ko. Mah bantuk Election kum ah buainak Trump nih a ton mi hi cu apoi tak tak mi thil pakhat a si.  President Trump nih USA mah bantuk in a dawt bu in midang nih buainak tampi tuah ding in lam an kawl thluamah ve fawn

Afghan ah Russia mercenaries pawl nih Taliban linked group hna cu US troops pawl an thatter tawn hna i, USA ralkap an that man cu Russia nih Talibank pawl sin ah tangka an pek tawn hna tiah New York Times nih a rak ttial mi kongah President Trump nih zeihman ka thei lo tiah a chim.

Mah kongah John Bolton nih Trump cu fakpi in a phomh, John Bolton nih a chim ning ah cun “Donald Trump nih Afghan, Russia US troops pawl nih Talibank linked group pawl hna cu USA ralkap an tthater tawn hna i, cun Russia nih Taliban pawl tangka an pek tawn mi kongah “zeihman ka thei lo’ tiah a chim mi hi ka zum lo tuk mi thil a si.

Thil tampi kan thei lo mi a um lai ti cu ka zum, natein hruaitu President a si mi nih cun ralrin a hau. Trump nih mah bantuk in zeihman thei mi ka ngei lo tiah a chim mi hi cu, Trump, White House nih, ni dang bantuk in thil a thei ko mi bu in a theiter duh lo mi bantuk in, a tu zong hi a theiter duh lo mi a si lai tiah ka ruah tiin NBC News’ Meet the Press ah a chim.

Cun Nancy Pelosi zong nih President Trump cu fakpi in a soisel tthan hoi. Putin he hawi tha an si, a thil tuah mi hi zeihman kan thei mi a sum lo, Russia he rian an ttuan ti tiah fakpi nih a phomh. Credit- NBC

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "John Bolton le Nancy nih Trump a phomh tthan hoi; An bia a fak tak tak"

Leave a comment

Your email address will not be published.


*