Karen ralkap nih thawngthanhnak an tuah than cang. MAH mangchia tuk cang lai hi

Mah bantuk ding hi a si, ram le miphun caah a dirmi ralkap cu mah bantuk ding hi si. Karen tiah an mah karen miphun nih an nih au lio ah Kawl pawl nih cun Kayin tiin an au tawn hna. Kayin State hi Thailand ramri ah um mi a si.

Tuanbia ah an chim tawn ning ahcun, a hlan raltuk lio ah khan Karen ralkap pawl nih Rangon hi an kut tangah an rak chia dengmang tiah an rak chim tawn. Karen hi mi raltha miphun tiah thei tawn mi an si

Tuanbia ah an rak chim tawn ning ahcun, Karen miphun hi Chin mi nak in tih an nung lo deuh ti a si, Karen ralkap pawl tei ding in Chin miphun hi an tha bik tian an rak chim tawn

Atu Kayin State ah minung million 1.5 leng an um i, an ram hi 11,731sq miles a si. Karen miphun nih  “Karen National Union” (KNU) ti le, “Karen National Liberation Army” (KNLA) ralkap an ngei h na

An pahnih in an doh bik mi cu Kawl ralkap (Tamadaw) hi a si. Karen refugee hi ting leng Thailand-ah an rak zam cang. Atu hi Tamadaw le KNLA/KNU ral tuk ruangah Karen 8,000 leng cu ramlak ah an zam cang

Karen mipi a bawmh tawntu  “Free Burman Rangers” a ti mi hna cu US Special Force a rak si mi Dave Eubank nih a dir i, mah Free Burman Rangers pawl nih ramlak ah a zam mi hna cu an umnak hmun ah an va kal tawn i, thawngtha kong le sii lei ah bawmh an her ning bantuk in an va bawmh tawn hna

Cun  hnipuan an her mi pawl an va pek tawn hna. Pathian thawntha an chim tawn hna. Tatmadaw le KNLA ralkap pawl i tuk tawn ruangah Karen minung 100,000 leng an zam cang ti a si

Dave Eubank nih a chim mi cu, “Myanmar ralkap pawl kutah mipi an him khawhnak ding caah kilveng hi kan rianbik a si tiin AP News sin ah a chim (security, survival)

KNU le KNLA nih an chim ning ahcun Tatmadaw (kawl ralkap) cu heh tiah kan doh peng lai, mipi caah heh tiah rian kan tuan peng lai, mipi kilveng cu kan rian a si.

Kawl Ralkap pawl an duh ning bantuk in thil an tuah lai lo. Kawl ralkap pawl doh lengmang ding in ready tein kan um peng tiin thawngthanhnak an tuah. Credit-AP News

Thawngpang ka tial mi hi source zumtlak mi nih an tial mi lawng ka post tawn. Cu caah thawngpang a hman lo mi le a dik lo mi, mipi sin ah thanh le tial hi kan chin miphun caah thil thalo a si caah tial ka tim lo. Chinpage thazang a ka pe tu vialte nan sin ah lunglawm bia ka chim. Chinpage hi like le follow vun tuah ve law, US thawngpang le vulei cung thawngpang a hman mi ka post mi na rel khawh peng lai. By-ChiefEditor

Be the first to comment on "Karen ralkap nih thawngthanhnak an tuah than cang. MAH mangchia tuk cang lai hi"

Leave a comment

Your email address will not be published.


*