Kawl ralkap Cakei nih Rakhine ram chung ah khua 12, inn 5000 leng cu Mei in a khangh hoi cang; Aruang cu

Myanmar Eleven Media nih a chim mi hi a fiang ngai ko. Mah bantuk in ralkap nih an duh poah in inn mei in an khang lengmang ah cun Rakhine ram chung lawng si lo, Chin ram chung Paletwa ah um mi caah zeitluk in dah ttih a nung lai. A ruang cu Paletwa ram chungah AA pawl nih duh paoh in cawlcangnak an ngei tawn caah Ralkap nih an duh lo bu in Paletwa ram chungah mah bantuk in thil an tuah sual lai ti phan a um ngai cang.

 

Kawl ralkap cozah cu vawlei cung ramkip ah an mual pho bak ko, AA pawl an thawng ning hi cu khuaruahhar bak a si. Mah bantuk in thil an tuah khawh mi hi cu an raltha hlei ah hriamnam an ngei mi a tha ti a fiang ko. Chin Paletwa chunagh kawl ralkap minung 26 cu tlaih an si i, hriamnam tampi he tlaih tiin Eleven Media Group nih a rak ttial cang. Mah ruangah tu bantuk in Rakhine ram chungah khua 12 ah inn 5000 leng mei in an khanghnak ruangh cu si lai tiah zum a si

Kawl ralkap nih Rakhine ram chungah khua 12 cu mei in an khanh dih tiah the Eleven Media Group nih a chim Mah khua 12 ah inn a um mi zat a chim ning ah cun inn 5000 leng a si tiin a langter- Source:- Eleven Media Group

Mah thawngpang zong hi Kyauktaw Myo ah Ralkap an thil tuah mi a si….. Myanmar ralkap an lungput le an thil tuah tawn ning cu thei le nghal cia bantuk in atu zong Rakhine State Kyauktaw myo, Ahte ThinMa khuah cu April thla dawng lei 22 ah mei in khangd dih a si tiah Myanmar Eleven Media nih a langter. Mah khua pawngah um mi khuadang cu him tein an chia i mah AhtThinmah Khuah cu inn dihlak in an khangh dih. Mah bantuk in ralkap nih an tuah caah ralzam an tam chin chin lai i, zeitluk in dah mipi caah a har ngai.

Ni thum Ni (May 4) ah khan mah khuah ah um mi AHteThinMa pa pakhat U Toun Lo cu a inn zoh ding in a va kal kawl ralkap nih achia mi bomb cu a puak caah a ke a um ti lo tiah Eleven media Group nih a chim. Source– Eleven Media Group

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Kawl ralkap Cakei nih Rakhine ram chung ah khua 12, inn 5000 leng cu Mei in a khangh hoi cang; Aruang cu"

Leave a comment

Your email address will not be published.


*