Kawl ralkap hi kan ral a si lo; Chinmi caah kan ral dohtu an si; A ruang cu

AA nih Paletwa peng cu Rakhine ram a si an ti i chuh an kan timh. Facang phormi motor hmanh fawi tein an luhter duh ti lo, meithal in an kah. Phone tower an phih i a phunphun in Chinmi harnak an pek hna.

CNF telh in zeibantuk Chin mibu hmanh nih AA cu kan thawl ngam hna lo, thawl khawhnak thazaang zong kan ngei rih lo. Nain, Myanmar ralkap Tatmadaw nih thih ngamh in Chinmi vialte kan ral AA an doh hna. Tampi an nunnak an pek beh. Raltuk a si caah Chin mipi thihlohnak zong a um. Tatmadaw nih Paletwa peng ah AA doh hna hlah sehlaw Paletwa cu AA an headquarters ah ai chuah te ding a si.

Tatmadaw cu kan huat cio ko, an sualnak chim cawk lo a si. Nain, kan Chinram caah nunnak pek in kan ral an kan doh piakmi hi cu lunglawmhbia kan chim duh lo hmanh ah kan lung tal a fian ve a hau ka ti- Salai Lung Thlitum

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Kawl ralkap hi kan ral a si lo; Chinmi caah kan ral dohtu an si; A ruang cu"

Leave a comment

Your email address will not be published.


*