kawlram caah thawngtha bak si ko; A tam tak tak. Kan Pi, Suu Kyi zong a nithluamah cang hi

Mah bantuk caan chia lio ah hi zat tangka bawmhnak a hmuh mi cu zeitluk in dah thawngtha a si. Covid-19 rai ruangah buainak a tawn lio ve mi Myanmar ram bawmh ding in International Monetary Fund (IMF) nih cun U.S $ millions 356.5 cu cozah sin ah a pek lai.

Mah bantuk bawmhnak pek ding in IMF Executive Board nih June 26 ah biakhianak an tuah tiah thei a si.

Covid-19 ruangah Myanmar ram chungah tourist an tlawm tuk cang i, ramdang lei in tangka kuat mi zong a tlawm tuk cang, cun thil dang dang Myanmar ram chungah kuat a si ti lo.

Mah bantuk te te ruangah Myanmar economics nih a tuar tak tak tiin IMF hotu pakhat Mitsuhiro nih cun a chim. Mah bantuk in bawmhnak an pek mi nih hin Myanmar ram cu tampi a bawmh lai tiah a zum ning zong a chim.

Mah bantuk bawmhnak nih hin Myanmar ram chungah mi harsa le ngandamnak lei le company a tla cuamah mi bawmh ding le cozah nih tha tha  ti ning in bawmhnak a kal pi lai tiah a chim chap. Credit: VOA, Burmese, 28.6.2020.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor