Kawlram chungah China thil tuah mi tih nung tuk caah, Kawlram nih ramdang bawmhnak a hal cang

Kawlram chungah China thil tuah mi cu zoh sawh sawh ding a si ti lo tiah kawl ralkap nih an ti cang caah Myanmar ram Senior General Min Aung Hlaing nih (strong forces) kawlram chungah tapung le Terrorist pawl meithal le thil dang dang hmangin bawmh an si tawn tiah a chim. Mah hi China a chim duhnak a si tiah Agencies nih a chim

Myanmar hi Southeast Asia ram ah China hawikawm tha bik a si, natein Myammar ram chungah tapung, Terrorist pawl hna hi China nih asi lo ah cun ramdang nih an bawmh mi kong an thei bal lo caah China nih a bawmh tawn hna ti cu Myanmar cozah zum ning a si cang

Myanmar ram chungah  kawl ralkap ral a si mi pawl meithal le thil dang dang cu a thatuk cang caah kawl ralkap caah tih nung tuk mi thil a si cang

Tapung, le kawl ralkap ral pawl kut ah myanmar ralkap tampi an thi cang caah kawl ralkap nih mah bantuk in meithal le thil dang dang hmangah China cozah nih a bawmh tawn ruangah vawlei cung cu Myanmar bawmh ding in a nawl cang hna

Russian cozah TV channel Zvezda nih Myanmar Senior General Min Aung Hlaing interview an tuahnak ah, Min aung Hlaing nih a chim mi cu, Myanmar ram chungah tapung le Terrorist pawl hna cu bawmtu tha an ngei ti a chim. Vawlei cung ramkip hna cu mah bantuk pawl an dohnak kongah bawmh ding in a nawl hna

Myanmar Army Chief nih Arakan Army (AA) pawl hna a meithal le thil dang hmangah a bawm tu tia a chim mi cu China hi a si. Mah AA pawl nih hin meithal tha tha le thil dang tha tha an ngei tawn i, kawl ralkap dohnak caah an hmang tawn tiin a chim chap.

Myanmar ralkap nih meithal tha tha le thil dang tha tha hna cu mah Terrorist pawl kut in an tlaih piak tawn hna. An tlaih mi lakah kawl ralkap caah tih nung tuk mi hna le a man hna cu surface-to-air missiles hna zong a tel. pakhat man hi USD 70,000 – 90,000 (Kyat 95,773,300 – 123,137,100) hrawng a si.

Mah hna hi Terrorist pawl National Liberation Army kut in an rak tlaih mi, November 2019 mi kha a si. Mah Surface to Air Missiles hi China nih a ser mi a si. Cun meithal le thil dang an tlaih piak tawn mi hna hi China ser mi lawngte a si tiin Myanmar military bia phuantu Major General Tun Tun Nyi nih a chim. Source : Hindustan Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor