Kha mah bantuk a fiang cang mi hi CNLD nan ti lengmang lai maw? CNLD nih zeihman a tuah khawh lai lo ti a fiang tuk cang hi

Mipi A Hlenmi Miphun Party Hruaitu Le Candidate Pawl.. Daw Su hi Democracy Icon an ti i vawleicung lungfimmi vialte nih an upatmi a si. Kan ram thatlonak le sifahnak vialte sersiam duh ruangah kum tampi chung Kawl ralkap tlaihkhihnak chungah a um.

Ram hruaitu pawl le lungfimmi pohpoh nih kan zumh tukmi cu – 2015 Kawlram thimnak ah Daw Su hruaimi NLD nih cozah a ser khawh caah kan ram hi a tam le tlawm cu a thleng khawh lai tiah ruahchannak tampi kan ngei cio.

Rampi sersiam le thleng timi hi minung fimnak lawng nih a tuah kho lo. Ram hruainak caah zulh dingmi “Phunghrampi” (Constitution) a herh. Ralkap sermi 2008 Phunhrampi ningin kalpi ding a si. Ralkap sermi a si caah nun chung ralkap nih Kawlram uk khawhnak phunghrampi a si ko.

Ralkap uknak in luat khawhnak lam cu nikum 2019 chungah NLD hruaimi Hluttaw nih a kawl nain ralkap nih a duhpi lo caah pakhat hmanh thleng khawh zong a si lo, remh khawh zong a si lo. Ralkap le USDP cu pumkhat an si.

USDP le Ralkap nih 2008 Phunghrampi remh zong duh lo, thleng zong duh lo a si caah 2020 thimnak ah USDP nih kanmah nih cozah kan kai ahcun 2008 Phunghrampi kan thleng lai timi bia a um ahcun zumh ti lo ding, Mipi hlennak a si ve.

Daw Su hmanh nih kan ram caah sersiam le thleng a duhmi a thleng khawh lomi cu “A Ruang” a um. 2008 Phunghrampi nih duh ningin tuah khawhnak nawl a pek lo caah Daw Su zong zeihmanh a tuah khawh ve lonak a si.

Vawleicung ram hruaitu tampi nih an zahmi le an upatmi Daw Su hmanh kan ram a sersiam kho lomi Miphun Party Hruaitu Pawl nih kanmah party kan kai ahcun kan ram kan thleng lai, Kan ram hi Federal State ah kan ser lai, timi bia tehna an chim.

Daw Su fimnak le hngalhnak nih cun kan ram cu a thleng khawh ko nain 2008 Phunghrampi nih nawl a pek lo bantukin kan miphun party hruaitu pawl fimnak le thiamnak nih kan ram hi Federal State an ser khawh ko lai nain 2008 Phunghrampi nih cu duhmi thil tuah khawhnak le chim khawhnak nawl a pek rih lo.

2008 Phunghrampi ningin ram hruai le kalpi ding a si chung cu State cozah nih a ram caah thil a tuah khawhmi cu ‘Thanhchona’ te lawng a si lai, Pyitu le Amyota Hluttaw Kozale pawl zong ram thanhchonak kong lawng an chim khawh ve lai. Atu i MP aa cuh dingmi pawl nih keimah nih teinak ka hmuh ahcun,
kanmah miphun party nih teinak kan hmuh ahcun Kan ram hi kan thleng lai, Federal State ah kan ser lai a timi vialte “Mipi Hlennak” menmen a si rih.

2008 phunghrampi ruangah tuah khawhmi thil cu – Kan ram le Miphun caah thanhchonak (development) te lawng a si i, cu thanhchonnak rian tuan khawh ding ah cun Cozah a tlaihmi party chungin teinak a hmuhmi State Hluttaw Kozale le Pyitu/ Amyotha Hluttaw Kozale pawl lawng nih tuah khawh a si.

Opposition party dirhmun in zeihmanh tuah khawhnak lam a um lo, Kan tuah khawh lai a timi
Miphun Party Hruaitu pawl cu Mipi A Hlenmi Party Hruaitu Pawl an si. Credit- Laiki Chozah

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah leĀ  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Kha mah bantuk a fiang cang mi hi CNLD nan ti lengmang lai maw? CNLD nih zeihman a tuah khawh lai lo ti a fiang tuk cang hi"

Leave a comment

Your email address will not be published.


*