khawmpi dongh zan ah Joe Biden bia chim mi cu Trump caah cun celh ding bak si lo

US Presidential race a linsa tuk cang, an bia le hla a fak kho tak tak. Democrat pawl nih Convention an ngei mi cu tlamtling tein donghter a si cang. Democrat Convention donghnak zan ah President si a tim mi Joe Biden nih Trump cu ceilak in a phomh.

Mah Chinpage hi like/follow vun tuah law. Nikhatah US thawngpang 4/5 ka ttial peng caah, nikhat ah US thawngpang 4/5 cu na rel khawh peng lai tinak si

Democratic National Convention’s final night ah  Hunter Biden le a farnu Ashley Biden zong an hmui hmuh a si. Joe Biden nih Donald Trump cu ceilak in a vun phomh i “, Donald Trump bantuk minung, Coronavirus pandemic a tei khawh lo mi le economy ah harnak fakpi kan tawn lio ah phisingnak ding lam a thei lo mi minung a si,” tiin Trump cu a phomh

Mah le thil tuah mi ah ttuanvo  a lak ngam lo mi. Mipi hna lam hruai ding in a kal hmasa ngam lo mi, Midang soisel le mawhchiatnak long in a khat mi, Dictator bantuk in rian ttuan a tim mi. phun thleidannak tampi a chuak pi tu.

Tu tan US President thimnak nih hin zei zong vialte a thleng dih lai. Hmai lei America ram caah thiltha a ra ding mi poah kan tuah pi hna. US ram hi Democracy le Science thiamnak hmangin zohkhen a si lai. tiin  Wilmington, Delaware. nomination speech ah achim

Joe Biden hi a nupi Jill Biden, running mate Kamala Harris le a pasal Doug Emhof  nih an tel pi ve. Joe Biden hi American history politics ah kum 40 leng rian a rak ttuan cang mi a si. Kum 1987 ah US President si ding in timtuahnak a ngei, natein primaries hlan ah hnuh than, Kum 2008 ah Iowa caucus ah zeihman a si lo caah a rak hnuh tthan hoi cang.

Democratic presidential nomination Joe Biden fehternak an tuah hnua ah, “Season of Darkness” hmun in America hi thianh a si lai.  ” Atu kan President a si lio mi nih hin America hi muinak ah a kan luhpi lio a si. Keimah nih cun muinak in ceunak a ka hrui hna lai.

America hi ttihnak le thinhunnak le thleidannak in kan nung kan hmang lio a si. Natein kei hi President caah nan ka thim ah cun, kan ram chungah thil tha vialte hi ka phor dih lai i, ceunak hruai nan si lai, tiin a chim. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "khawmpi dongh zan ah Joe Biden bia chim mi cu Trump caah cun celh ding bak si lo"

Leave a comment

Your email address will not be published.


*