Khrifah pawl rian ttuan ning cu uar um bak ko

Nawlngeitu hna nih kan cungah fahnak a kan pek zongah Minung nak in Pathian nawl hi kan ngaih deuh awk a si tiah an ti. Cu caah tu lio hi biatak tein Wuhan khualipi lam lai, khuachung ah vakin Thawngtha an au pi tiah ati. Lucille Talusan nih CBN News ah achim ningah cun Wuhan khuapi chungah zawtnak nih minung athah cuahmah lio ah hin Khrihfa hna nih cun Thawngtha chimnak caan tha ah an hmang tiah a ti. Wuhan i khrihfa hna an zumhnak cu afek tak tak. Coronavirus zawtnak zong an tih lo.

Pathian dawtnak thawngtha kan chim ruangah hin mah zawtnak nih kan cungah fahnak akan pek zongah kan tih lo, Thawngtha ruangah cozah nawlngeitu hna nih fahnak a kan pek zongah kan tih lo tiah an ti. Zumtu tampi hna cu Wuhan khawlai an i chok i coronavirus hrik khamnak dingah tiah hmaituam Mask heh tiah an phawt hna. Cu hlanah cun Pathian thangthat caan hmanh ah athli tein vawleitang inn dawt ah an um.

A tu cu khuruahhar in Wuhan khualipi ah an ichok i free tein Thawngtha bia chim buin Mask an sem hna. Mah Mask an sem pah in Jesuh nih an dawttuk, Amah sin lawng lawngah zungzal hnangamnak a um tiah Jesuh Khrih dawtnak cu an chimh pah hna tiah Talusan nih cun a chim. Tutan hi khrihfa hna nih Pathian thawngtha phuannak dingah caantha ah hmangin mipi hna sinah Pathian bia in hnemhnak bia an chim lio a si. Mipi sinah peknak an tuah khawh lio caan zong a si tiah ati.

Be the first to comment on "Khrifah pawl rian ttuan ning cu uar um bak ko"

Leave a comment

Your email address will not be published.


*