Khuaruahhar Pathian a phuan, Democrat pawl an celh ti lo, mitthi he an um cang

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

kum 2020 cu President thimnak a hmeh mi le a ngan mi pahnih a um an ti, Pakhat cu US supreme Court Judge a si i, Pakhat cu US President a si. US ah hin President hi ngawlngei bik tu tiah ruah a si, natein a cungah Supreme Court an um

President nih biakhianak a tuah mi a hrawh piak kho tu cu US supreme Court Judge hi an si. US supreme Court Judge nih President biakhianak kha an hrawh piak kho caah President nak in ngawlngei deuh mi an si tiah an ti tawn hna

Republican pawl an nih lawmtuk ruangah mitthli a thla i, Democrat pawl an ngaichiatuk ruangah mitthli a tla ve. US Supreme Court ah Republican pawl Judge paruk (6) an um cang lai i, Democrat pawl pathum (3) lawng an um cang lai.

Supreme Court Judge caah an thim thar mi Justice Amy Coney Barrett hi supreme court Judge ah hngakchia bik a si. Pathian in a dirpi lai i, damtein a rian a ttuan khawh lengmang a cun, US supreme Court Judge caah a tlawmbik ah kum 40 leng rian ttuan khawh ding mi a si.

Democrat pawl caah Supreme court ah teinak hmuh cu a tlawmbik ah kum 20 hnu lawngah si lai tiah zum a si, mah zong hi zumnak saw sawh lawng a si.

Trump nih Supreme Court pathum a thim ding mi hi Pathian nih zumtu tha October 2015 ah prophet Mark Taylor Evangelical sin ah a rak i phuan cang mi thil a si.

Mah Pathian a phuan mi hi mi tampi nih an zum lo. President pakhat nih term khat ah Supreme Court pathum thim cu lih le hrokhrawl a si tiah an rak chim i soiselnak le thangchiatnak caah an hmang

Natein a tu cu fiang cik cek in an mit in a hmuh cang caah Pathian zum lo tu tampi nih Pathian an zum chin lengmang cang lai tiah ruahchannak tampi ngei a si cang.

Pathian nih a phuan ningtein Trump nih US supreme Court judges pathum a thim cang caah, US khrifa caah cun thawngtha tak tak si. By-Chief Editor

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Khuaruahhar Pathian a phuan, Democrat pawl an celh ti lo, mitthi he an um cang"

Leave a comment

Your email address will not be published.


*