KIA General Naw Baw nih bia a chim cang. Uar um tak tak. Pasal bak si

Tu lio kawl ralkap pawl caah mangchia le muinak tampi a tlungter tu, Kawl ralkap pawl Alawbum lei ah ceilak in a thuat tawn tu pasal le hruaitu tha KIA General Naw Baw cu Radio interview nak ah thil sining a chim cang. A bia chim mi lung a hmui tak tak.

A chim mi cu Myanmar mi ka si, Cathiam mi ka si, a dik mi le a hman mi a dirpi peng mi ka si. Bia dik lawng ka chim tawn. Ram caah nun thap in a chuak mi kan si. KIA le KIO hi, mah le pumpak mianak ding caah rian tuan mi kan si lo

Myanmar mipi cungah uknak tha le a dik mi a um khawhnak ding caah rian tuan mi kan si. Myanmar mipi nih zalawngnak an ngei khawhnak ding caah mah bantuk in rian a tuan mi kan si. KIA troops nih kan tuan bik mi cu mipi nih zalawngnak an ngei khawhnak ding caah a si.

General ka si bantuk in Military News kongah a hman mi lawng ka phuan tawn. A hman lo mi thil ka chim duh lo. KIA le KIO nih, midang phu nak in mah bantuk in rian kan tuan tam deuhnak cu kan ram kan dawt caah le kan ram economy a rawk sual lai ti kan phan caah a si tiin a chim. Credit-RTK

“Hakha ah Ralkap nih an Rak Tlaihmi Pa a Luat Hnu ah a Nunnak a Liam. Kan hnu February 24 zaan ah Hakha, Dawrthar sang ah ralkap nih an rak tlaihmi Ko Htein Lin Naing cu nizan ah a nunnak a liam, taih thawng kan theih.

Ko Htein Lin Naing le a hawipa cu February 24 zaan ah thlalangawng in ralkap pawl a zoh hna ruang ah an rak tlaih hna. Ralkap nih an taw ah fung in voi 3 veve an tuk hna i, February 29 ah an thlah tthan hna.

Ralkap nih an thlah hna hnu ni khat a rauh ah Ko Htein Lin Naing cu pum dam loin a um i sizung ah aa piah. Sibawite nih, “Rawl ei loin na um lengmang i na pawpi a phing” tiah an ti.

Ko Htein Lin Naing he an tlaih vemi a hawipa nih, “A luak a luak i zinglei sml. 1:00 hrawng ah sizung ah kan kalpi. Rawl na ei bal lo caah na pawpi a phing tiah sibawite nih an ti. Cu dih cun tlawmpal kan rak ttin tthan ko.

Caan karlak ah zu a ding pah lengmang i pum dam loin a um than caah sizung ah kan kalpi tthan. Sibawite nih a thin phing tuk cang an ti. kan thlop manh ti lai lo an ti i, mahti cun a nunnak a liam,” tiah The Chin Journal ah a chim.

A nunnak a liammi Ko Htein Lin Naing ruak cu nihin April 14, zinglei sml. 10:00 ah an vui tiah kan theih. The Chin Journal

Be the first to comment on "KIA General Naw Baw nih bia a chim cang. Uar um tak tak. Pasal bak si"

Leave a comment

Your email address will not be published.


*