Lai nusal bak a si, an pa coronavirus a zawtmi a zohkhen ning cu uar um tak tak. Lainu vial te nih i zohchun ding hrim a si

USA hi Chinmi tambik nak a si caah tu lio zawtnak coronavirus in a damlo mi an tam nak ram a si. Chinmi tampi umnak a si ve bantuk in Chin mi chungah minung 300 leng cu mah zawtnak hi an ngei cang tiah zum a si. Minung panga nih mual an kan liam tak i, a dam cang mi theih mi hi minung 10 leng an si ve cang.

Chin nu Paw Hrang nupi nih an pa a zohkhen ning hi chim lo in um khawh a si lo. Mah bantuk in zumtu lungput cu a si. Amah nih a chim ning ah cun “Kan pa COVID-19 in a zaw a tu cu Pathian thawng in dam nak a hmu ve cang .

Micheu nih cun ai ku ve lai tiah a ka ruah mi an um ve a sin ah ka ih pi a thlan ka kut in ka hnawh piak Pathian thawng in kei mah cu tu tiang ka dam ko nain khamh nak ding ah ni chiar ti sa ka ding peng mah zawt nak hi si nak in ti lum tam pi din piak a rak tha deuh’ (Mah hi Pi. Iang Tin Par nih a facebook ah a ttial mi a si, website ah ttial ding in ka hal lo, a thil tuah ning hi ka uar tuk caah website in vun thla tthan i mi tampi lungfim a ka chim tu si seh ti ka duh caah ka thla mi a si)

Bible nih dawtnak nih cun zei paoh a tei ti kha a pasal a zohkhen ning ah a lang ngai. Mah bantuk in tu lio vawlei mipi nih an tih tuk mi, ttih lo te in Pathian kut ah kan um, Pathian a bochan ko hna u sih ti lungput ngei in mah le pasal a zohkhen ngam mi hi cu uar um tuk hrinhrang. Bawipa nih amah zong damnak pe seh law, Pathian sin ah tehteh an kham khawhnak caah si hram seh.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor