Mah bantuk vantha cu!! Pakistan vanlawng accident ah a dam mi pahnih kong

Vanlawng accident ruangah a kaimi dihlak 108 ah a dam mi si cu zeitluk in dah min vantha an si lai? Tu nih zanlei ah Pakistan Karachi Model Colony ah Aribus A320 a khan minung 108 an nih cit. Mah minung 108 ah a dam mi mi 2 an um. Mah kongah hin media dang dang nih an chim ning a khat lo. Al Jazeera nih minung 30 hrawng an thi tiah a chim lio ah, BBC nih 11 an thi a ti tthan, Daily Mail nih minung 100 leng an thi ttin a chim

Karachi Mayor nih cun passenger dihlak in an thih tiah a chim. Natein a thilo mi an hmuh mi a um tthan. Mi 105 hi cu an thi lai tiah zum a si. DNA in an kong lam hi thei khawh a si lai

Bank of Punjab president Zafar Masood cu damte in hmuh a si. Cun midang 1 a min langter lo mi zong damtein hmuh a si. Airbur A320 hi engine lei ah buainak a um ruangah accident a si

Pakistani officials nih mi pahnih (2) an dam ti a chim lio ah. Local TV nih a chim ning ah cun mi 3 an dam tiin a chim. Jinnah International Airport ah vawi 3 tum a tim i a tlamtling lo hnuah mah bantuk in Crash landing a ngei hi a si. Airbus A320-214 model hian CFM56 engine , CFM International, US-based General Electric & France’s Safran pawl nih an ser mi a hmang.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor