MAH caah khuaci a mui tuk cang. Kawlram a hrawh dih cang ko ruah

Tu lio thawngpang kan thei mi hna cu ngaichiat bak si ko. Mah bantuk in mi pakhat nawlngei duhtuk ruangah kawlram a rawk dih ding mi cu, Confederation of Trade Union Myanmar nih Civil disobedience movement (CDM) an dirkam ruangah factory le company tampi khar a si cang

Natein ralkap cozah nih rian thawk than ding in heh tiah an tlerh hna, natein riantuantu an um ti lo caah, myanmar ram, socialism policy le ralkap nawlngeinak kum 60 leng a si cang mi

economy ah a dirhmun a chia tuk mi cu hnunglei kir than bantuk in a dirhmun a chia chin lengmang cangKum 2010 thawkin kawlram cu Democracy lam a vun zulh thluamah lio ah, rian ttuantu pawl dirhmun (labor standard) zong a vun thangcho thluamah lio ah military coup a vun chuak than hoi

Kum 2010 thawk in ramdang nih dan an tat mi an dawngter cuamah hnua, mah bantuk in coup military a vun si than hoi caah a hlan nak in kawlram cu a dirhmun a chia chin deuh lai ti a si

Vulei cung ramdang nih Myanmar dang an tat mi an dawngter cuamah i, European chamber of commerce zong an nih nuam ngai, natein mah bantuk in ralkap uknak a vun si than tikah kawlram cu ram thalo bik le mipi sifak bik ram dirhmun a phan kho.

Kawlram chung in ramdang ah hnipuan a kuat mi hna hi (apparel export) EU, Japan, South Korea ah a tam ngai, trade agreement hmangin US ah 5.5% leng kawl ram nih a hmuh ve. Kawlram chungah thil sermi. Shoe, luggage, hnipuan hna hi ram dang dangah kuat an si tawn.

Natein atu cu, Vulei cungah company ngan a ngei mi Branded company H&M (Hennez &Maruti) The Bentetton Group le Spanish “Mango” zong nih kawlram chungah factory cu an khar dih cang.

Myanmar ram ah Germany factory 70% cu ramdang ta a si. Hlaing Thayar Industrial zone ah rian ttuantu mi 900 lakah 700 nih February thlaah Aung San Suu Kyi an dirkam caah ralkap nih heh tiah a tlerh hna i, atu cu mi 500 leng nih Aung San Suu Kyi an dirkam cang tiin Associate Press (AP) nih a chim. Credit-AP

Thawngpang ka tial mi hi source zumtlak mi nih an tial mi lawng ka post tawn. Cu caah thawngpang a hman lo mi le a dik lo mi, mipi sin ah thanh le tial hi kan chin miphun caah thil thalo a si caah tial ka tim lo. Chinpage thazang a ka pe tu vialte nan sin ah lunglawm bia ka chim. Chinpage hi like le follow vun tuah ve law, US thawngpang le vulei cung thawngpang a hman mi ka post mi na rel khawh peng lai. By-ChiefEditor

Be the first to comment on "MAH caah khuaci a mui tuk cang. Kawlram a hrawh dih cang ko ruah"

Leave a comment

Your email address will not be published.


*