MAH caah thawngchia/mangchia bak si ko, Kawl ralkap a thih mi an tam tuk cang

Min Aung Hlain nih nawlngeinak (aa-na) a lak hnuah kawlram cu khuaci amui tak tak cang i, tu tiang mipi lei a thih mi zong an tam bak ve cang.

State ralkap/Tlangcung hriamtlaih phu zong nih, Min Aung Hlaing thil tuah ning an celh ti lo caah Kawl ralkap pawl an tuk ve cang hna

February ni 1 thawk in tu tiang kawl ralkap lei aa thih mi cazing langter a si cang. A thih mi an tam tak tak cang. Tu ni tiang kawl ralkap lei a thih mi dihlak cu 405 an si cang.

Mah bantuk in a thih mi an tamnak ruang bik cu, KNU, TNLA le (MNDA) nih ralkap pawl sakhang/camp kha an tuk peng caah kawl ralkap lei a thih mi an tamnak ruang cu a si

Kawl ralkap lei a thih mi dihlak cu minung 405 an si cang. Kawl ralkap hruaitu 5 an thih ve cang i, ralkap bawi/Camp ah bawibik a thih mi dihlak cu 17 an si cang.

Mah lawng si lo in, i tuk ruangah ralkap lei hma fakpi a hmuh mi dihlak cu 405 an si cang, a faktuk lo mi 200 an si. Kawl ralkap umnak thei ti lo mi 50 an si.

MNDA lei a thih mi dihlak cu 22 an si. Hruaitu 2 an thih ve. TNLA lei a thih mi dihlak 3 an si. Credit-Tahan News

Miphun hawi hna CNF/A kan uh tanh hna nan uh tan ve cio hna kan ngei chun te an si kan mawh cio lo nan mawh cio lo. Asi nain thil pakhat te a um mi cu.

Facebook Cung in ih pah bu le ei pah bu men in ram tang ah zeitik kan i kah lai zeitin kan um lai ti a ruat mi kan pa le u le kan nau le pawl duh poh in kan soisel mi hna hi cu a si deuh lo.

Kan mah duh ning in maw ral cu an do lai i, ral cu an thawh lai an mah nih tha tein zeitin kan doh lai zeitin kan tuk lai ti mi timlamhnak cu an ngei ko lai thi sat lio lawng i.

A Au khuang mi si lo in, a thil (meitil) a chuah tak tak tik ah kan mi phun ning in kan do dih i, kan tan tti a herh.

CNF/A nih tim mi an ngei ko cu ca’h cun, kan mah mipi cu ready tein um cio hna uh si. Atu Facebook chung i, a au-khuang mi hi ram chung mino an um tuk lo ram leng deuh lawng te an si.

Cu ca’h mi a bawm chan tu le thazang pe tu kan si lo manh ah,mi a soisel tu le thazang tlung tar lo tu si hna hlah uh si kan zapi te kut sih in,ttuan ti dir ti can a cu cang . J VAN RT

Be the first to comment on "MAH caah thawngchia/mangchia bak si ko, Kawl ralkap a thih mi an tam tuk cang"

Leave a comment

Your email address will not be published.


*