MAH duh lo tuk mi cu KuKi ralkap nih an tuah tak tak cang

Tamu ah Myanmar Ralkap 18 kan Thah Hna tiah Kuki (Chin) Hriamtlai nih Cathanh Chuah. Nihin Tamu ah Myanmar ralkap 18 an thi i, mipi lei in minung pakhat a nunnak a liam ve tiah Kuki hriamtlai nih cathanh an chuah.

“Myanmar ralkap nih Tamu khuachung inn pawl timh ciammam in an kah i, motorcycle a citmi zong an kah caah minung pakhat a thi.

Cucahcun, Tamu ah hmun a khuarmi Kuki ralkap KNO/KNA(B) hruainak in CDM a tuahmi hna le mipi i bawm in kan kah ve hna i ralkap 18 an thi. Mipi lei in minung pakhat a nunnak a liam tthan ve,” tiah tu zaan ah Kuki hriamtlai nih cathanh an chuah.

Ni 4 Hnu ah a Ruak an Hmuhmi Fa 2 Ngei Pu Biak Lawm Cuan Ruak an Vui: Kalaymyo, Tahan ah ralkap nih an rak kah i ni 4 chung a ruak a umnak an theih lomi Pu Biak Lawm Cuan (kum 26) ruak cu nihin ah Kalay ralkap sizung ah an vung lak i zanlei ah a ruakvuinak an tuah cang.

Pu Biak Lawm Cuam hi fa pahnih a ngeimi patung no a si i, nihin zaanlei ah Duwan Chaung thlanhmun ah a ruak cu an vui. Credit- The Chin Journal

Hakha Thanchonak Rian Committee Chungtel ah Hakha Upa 6, Pu Ngun San Aung nih Rian a Khinh Hna. Ralkap (SAC) tang ah a ummi Hakha khua tthanchonak rian a ttuantu ding committee chungtel ah

Hakha khua upa chung in minung 6 cu Chin ramkulh Administrative Council Chairman Pu Ngun San Aung nih rian a khinh hna.

The Chin Journal sin ah a phanmi cu riankhinhnak ca chung ah cun Hakha khua ah bochanmi upa hna le Hakha mirum tiah theihmi hna Pu Thawng Kian, Pu Chum Ling, Pu Thla Bik, Pu Ral Kham, Pu Cung Hu le Dr. Thla Cung hna an i tel.

Pu Ngun San Aung nih rian a khinhmi hna cheukhat nih “Riankhinh kan simi kan i thei lo. Ca a kan pek hnu lawng ah kan theih,” tiah an chim. A cunglei minung 6 lak ah Pu Thawng Kian, Pu Chum Ling le Pu Thla Bik hi Hakha mirum tiah theihmi an si.

Cun, Dr. Thla Cung hi saram sibawi a si i, Pu Ral Kham hi caan saupi Hakha khua upa a ttuanmi le 2015 ah CLD in a rak i cuh balmi a si. Pu Cung Hu cu HOPE Blood Donor Organization timi thisen hlutu bu a dirhtu kha a si. Riankhinh a tongmi hna nih rian a cohlan le cohlan lo fiang in kan thei kho rih lo. Credit-The Chin Journal

Be the first to comment on "MAH duh lo tuk mi cu KuKi ralkap nih an tuah tak tak cang"

Leave a comment

Your email address will not be published.


*