Mah hi vun rel law Daw Suu Kyi (NLD) hi na vote nem mam ti lai lo. Trump he cun a dan tak tak

Mah hin vun rel law Suu Kyi (NLD) hi na vote duh bal lai lo; na fiang cik cek ko lai. Daw Suu Kyi hi Democracy a duh mi nan ti ngam tak tak maw? Mah bantuk in na chim ngam ah cun lih le hrokhrawl lawngte tinak si lai.

Vun rel law, el ding na ngei ah cun na ka el lai. Cun a dang zong ka vun ttial tthan lai. Suu Kyi hi ka rak uar ngai mi nu pakhat a si ve. Ka soisel lo, natein Democracy a duh tak tak ah cun mah bantuk in a tuah ding a si hrim lo

Kan thei cia mi le kan rak hmuh peng mi thil pakhat fiang tuk mi cu, USA president Donald Trump hmangthlak cu, vawksa hmangin an suai, fakpi in an phomh i, Trump soiselnak caah an hmang, natein President Trump nih zeihman a chim lo, daitein a um ko, mah bantuk in a tuahtu pawl cungah dantatnak zong tuah a tim lo

Cun kum 2016 election hnuah President a si hnuah a hmangtlak an suaimi lu cu an tangpiak i, lampi ah an kalpi, mipi hmuh khawh ding in ceilak in an tuah. Mah hmangthlak, President Trump lu cu New York khualipi ah CNN worker nih a kal pi thluamah ko. President Trump nih zeidah ah a rel lo.

Natein NLD nih nan uar tuk mi le a hlan ah keimah zong nih ka rak uar tuk mi Suu Kyi ka uar ti lonak ruang bik le hruaitu caah a tlak lo tiah atu ka hmuh mi pakhat cu, a hmangthlak an suai mi cu court ah dantat ding in a chuahpi cang lai.

Midang nih court ah mah bantuk in a hmangtlak an suai ruangah an chuapi zong ah ASSK nih a hau lo, mah bantuk thil hmetuk mi cu tiah a nawl ding a si, natein atu cu amah nih Court ah cuapi ding in a tim cang. Mah bantuk lungput a ngei mi hi Democracy hruaitu caah an si kho hnga maw? Communist hruaitu tak tak pei a rak si ko hi ta.

Mah lawng cu si lo in, Election Commission nih kawlram Mee peknak ding caah Zarpi nih cu a thim tthan, mah kong zongah ASSK hi Democracy duhtu tak tak a si ah cun Election Commission sin ah nawlnak a tuah khawh. Zeihman tuah a tim lo. Mah bantuk hruaitu hi cu kawl ralkap he a khat ko caah Kawl ralkap Mee pek le NLD mee pek kha a khat ko. By- Dawt Sui

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Mah hi vun rel law Daw Suu Kyi (NLD) hi na vote nem mam ti lai lo. Trump he cun a dan tak tak"

Leave a comment

Your email address will not be published.


*