MAH le a ralkap pawl hna an sungh hrim lai; Aruang

February ni 1 thawkin aana hmang in uknak a lak hnuah thlahnih a vun phan cang. A caan a rau lengmang in kawl ralkap pawl an i palh chin lengmang cang.

An nawlngeinak vialte le an thluak vialte an hmang cang, atu cu an thluak zong a ba tuk cang. Aana hmang in uknak an lak hnuah mipi cungah thil tha lo an tuah mi bantuk in atu cu an tuah mi phih an mah ralkap lei zong nih an hmuh thluamah cang.

Media site ah mi tampi nih an hmuh ning an tial ning ahcun, Kawl ralkap pawl sin ah Heart attack ruangah a thih ding mi zong an tam ngai tiin an tial cang

Atu mipi lei a thih mi 500 leng an si cang. Ralkap lei zong a thih mi an tam ngai ve cang. Natein generation Z pawl hna cu an ral a tha chin lengmang i, atu buainak ah hin sungh an duh bak lo.

An lungput ah an chia mi cu, mah a thih mi thisen pawl hna hi a lakah in a si lai lo, teinak kan hmuh hrim lai tiin kawl ralkap hna tei khawhnak ding caah lam heh tiah an kawl cuamah cang

Generations Z pawl nih hriamnam (tools) tampi an ngei, kawl ralkap dohnak ding caah CDM system hi vulei cungah a lartuk mi a si caah mah hi an hmang.

Mah hi a ngan ngaingai mi thil (gigantic) a si caah cozah hruaikhawh mi, teikhawh mi dirhmun khi a si. Mah lawng cu si lo in, CRPH smart tuk mi an ngei fawn.

Atu hi ralkap doh ding in hriamnam an kawl cuamah lio si. Atu an herh mi pakhatnak cu lungkhat tein rian tuanti a si.

Mah bantuk in raltha tein an tuah peng ahcun, ralkap lei zong nih an duh ning bantuk in an tuah ngam lai lo ti a fiang ngai.

Generations Z pawl an ral a that tuk cang caah ralkap le Min Aung Hlaing ca zongah tih nung tuk mi dirhmun an phan cang.

Generations Z pawl lungput a thawng tuk caah Min Aung Hlaing le kawl ralkap pawl hna an sungh hrim lai ti hi vulei cung mi thiam, expert pawl nih an hmuh ning zong a si. by-Chiefeditor

Be the first to comment on "MAH le a ralkap pawl hna an sungh hrim lai; Aruang"

Leave a comment

Your email address will not be published.


*