Ralhrang Kan TEI Lio Ko Mi Kan TEILO A Ti Tu Hna Cu Dalaan Lo Dalaan Mangtara Ansi.CNA / CDF, NUG, CRPH cu Ralhrang an si tiah thanh awk ah le Tlaih awk ah Interpol ah MAH nih an kan report nain Interpol nih zei ah an rel piak lo. Interpol timi cu Vawleipi huap Palek pawlkomh phu an si. Ka dua Kawi Aung (Ko MAH) nangmah na palh ko an ti.
Uknak chut hi Democracy asilo I Federal zong asilo an ti diam ko. A cei ko. NDAA timi American Burma Act, UNSC, ASEAN, China – ASAEN, USA – ASEAN, EU – ASEAN, G-7, G-20 tbk nih CNA / CDF le NUG lei ah an Ṭanh dih I MAH te cu Pressure an pek cuahmah, Mipi sin ah uknak pekchan awk ah dantatnak le phihkarhnak phunkip an tuah.
NDAA bawmhnak caah CNA / CDF NUG CDM tiah min bak thlir in khumh chih asi. NDAA le UNSC nih tuah mi Kawlram Ralhrang kong ceihmainak meeting hnu ah Ramdang Co. Ltd tampi cu, Kawlram in an chuak cang. Kan phaisa le kan ngunkhuai in mipi thah kan duh lo an ti. MAH phaisa lut a tlawm tuk cang.
Leiba USD 35 billion leng a ngei rih. Vanlawng pakhat in an kan kah ah USD 1 million a dih. CNA Camp cu Vanlawng 5 in Voithum a kah caah USD 10 million leng a dih lai kha. 2023 kum ah kan zapi tein raldoh asi tik ahcun Vanlawng in an kan kah cawk ti lai lo. Hlan ahcun CHIN KACHIN KAREN KARENNI Sakai le Makui lawng nih Ralhrang kan do.
2023 kum ahcun NUG Federal Army Division 5 aa chap cang lai, kawlte EROs, MRNA, BPLA, ABIA le SOF tbk zong biatak tein raldoh asi cang lai. TNLA, MNDAA le AA an doh ve ahcun a dih. Vanlawng in kah cawk kan si ti lai lo. CNA / CDF kha thimh in an kan kah dah ti lo ahcun. Ral TEILO kong a chim mi Dalaan Salai te le a Tumkheng Lalang hna ningzak can kha a ra lio.
Kiklo Lumlo, Lum fang Salai te dirhmun cu Dalaan an si nak tehte asiko. CNA / CDF, NUG, CRPH, NUCC cu Facebook, Twitter, Youtube, Internet, Google, tbk ah phih ding in Ralhrang MAH le SAC nih an kan report nain, an zeipoi lo, nanmah Ralhrang tu kan in phih hna dah ti lo ah tiah bia an leh hna.
Mipi le Democracy Ralkapbu asi mi cu kanmah minung an si, nanmah SAC lawng hi Ralhrang nan si, nanmah thluk awk ah kan bawmh hna lai an ti lehlam. 8888, 2007 Saffron tbk ah Ramdang nih hitin an kan bawmh bal lo.Tuluk cu MAH nih aa bochan tuk ko nain, UNSC ah VETO a hmang ti lo. Mekong region meeting tuah awk cu Kawl Ralhrang MAH te nih inntek si can asi.
Cu Meeting tuah awk ah, Tuluk cu an sawm nain, bia a leh hna lo, ngakchia tuah in a tuah ko. Um ko Sachiat MAH a ti diam ko. Tuluk nih an Ṭih bik mi Burma Act hi asi.ASEAN Hotu thar Indonesia Tamada Joko Widodo le Ramdang Vuaci nu (ASEAN Special Envoy) Retno Lestari Priansari Marsudi (Born 27 November 1962) nih ASEAN Consensuses 5 tlinter awk ah pressure an pek cang lai,
MAH nih a duh lo ahcun NUG le ASEAN tu an dir ṭi cang lai, Cucu Gospel asilo ah zeidah asi kun? Hi vialte bawmhtu le Tehte kan ngei bu ah Ralhrang MAH nan tei lai lo ti cu Dalaan an si ko. Dalaan asilo / ka si lo ti asi ahcun Dalaan lo Dalaan Mangtara tu an si lai.
Zeitintiah Pau Dohthlennak ah “A LAI AH Um a ngah lo” tiah Col.Solomon nih a ti kha. Culio ah Salai te cu ALAI AH LAM RAWH AW NUTHLAWI hmelṭha tiah lengkhawm in an tlo tuk hi aw!India Modi cozah lawng nih Ralhrang MAH hi an bawmh. Modi cozah an tla I Congress in Rahu Gandhi a kai ahcun aa thlen khawh mi asi.
Tlahpuk hmanh nih mi kut a ah ti si kaw, India hi azia aa thlen lo ahcun: a thin hmaka kan sawh can a phan ve te lai. CHINMI hi kan nek tuk ti hlah seh. Tehte: Israel miphun kum 430 saal zuattu Izipt cu nihin ni ah Israeli kuttang ah aum cang. Ram kip um CHIN mino hna thawng in India Teirul chamh khawh tu dirhmun hi kan phak khawh tuk.
Chin mino hna an um nak ram cio ah caa an thiam I, an fimthiam, Thiam man ah, an ram Tamada laksawng hmuh mi an tam tuk cang. Pastorte le Evan rual nih pei CHINMI cu Israel thar nan kan ti kha. Cucumaw Dohthlennak hnursuan in bia nan thlah, nan cangvai, Rallokap thluak ṭawl mi nan si kha. India hi Burma Acts ah aa tap ve ahcun an fawi te lai lo.
Sipuazi le Superpower ah Tuluk nih an tei tuk te hna lai. Civil Truck in hriamnam le Ration an I kuat mi cu: KNU Ṭatmaha (6) nih tampi an tlai. Civil thuam in an kal I ral an doh zong ah tlaih le thah thotho an si ko. Makui ram, Ciankhin khua ah Raldoh an ngamh ti lo caah an kal ngam tilo. PDF um lonak Ramlak ah PDF an um tiah ral an doh.
Ngakchiat lio innte tiam le Raldoh tiam te kha an hluan cang. Rallokap Ralṭharual an thih ballo timi hla kha nung duh ahcun Rallokap in chuak uh tiah an hla thlentu Uirual an si. Vanlawng in an kan kah cu vawlei ral in kan tei tuk caah asi. 2023 ahcun Vanlawng in an kan kah zong ah an kan tei ti lai lo, TEINAK le TEITU cu kanmah le MIPI kan si te lai, PATHIAN le MIpi, CNA CDF NUG thawng in.
Salai nih aa thawh I Ralhrang thluk awk ah lam 2 ah 2023 thimhnak aa tel ati. Thimhnak ah lut a duh caah asi lai. CDF PDF NUG nih 2023 thimhnak tuah khawh lo ding in kan tuah lai ti lio ah 2023 thimhnak kong ceih khawh cu MAH minung Dalaan Mangtara sinak Tehte asi. Tehte dang a herh ti lo. CDF PDF NUG CNA cu an kan tei ti lo caah, Nipidaw ah SAC 60 leng nih Suimilam 8 chung meeting an ṭhu.
CDF PDF cu level an sang tuk cang I kan tei khawh hna lai lo, Kan Pu MAH hi thil sining dik kan chimh lai maw timi biatung zong aatel. John The Baptist nih HNA ngeih mi nih theih u law, hngalh uh a ti. Salai te hi cu bantuk hna le Lungthin a ngeih lomi an si.
Tutan Paucan Dohthlennak ah aa tel bantuk tello bantuk in asimi Salai te hi Dalaan lo Dalaan Mangtara an si ko lo maw? Dalaan an si lo ahcun aa kakip in phiang den le Fangvoi den in vawleipi nih MAH kan den hi an hngalh ve hnga?Crd.Saya H. Rung Kaw