Malaysia um, Nung Hlei Iang nih Yangon lamzawhtu hna dinti/eidin caah tangka a kuat mi hna tu a tam tak tak

Yangon lamzawhtu hna dinti/eidin cawkpiaknak ca ah Malaysia um Nu Ngun Hlei Iang te chungkhar nih ka sin ah 100,000 MMK an rak kuat.

Thaizing ah Rev. Uk Ling Thang le mino pali-nga he Hledan le Sule ah dinti kan phawt hna lai.

Ralkap uknak dohdalnak ah alangtlang in Kawlram mipi ca ah chawva a hlutu Nu Ngun Hlei Iang te chungkhar cung ah kan i lawm hringhran.

Thaizing Hledan le Sule ah a phanmi Lai mino nih dinti phawt bawmh na kan duh ve ahcun ka messanger in pehtlaih khawh ka si i,

phone number zong chiah ta u law Sule le Hledan kan phak in kan in chawnh hna lai.

Amah pumpak nih a tial mi- ” I uahnak ah sihram hlah seh. US,Australia ummi nan ka zumh i tel nan duh ve ahcun ka agent sinah phhaisa pek khawh asi.

US ummi direct in zelle number ah kuat khawh zong ka si. $20 cunglei sisehlaw cazin ka tuahnak ah hna athiang deuh lai. Malaysia ummi zong ka cohlan fawn.

Mi zultu tha si kan duh ahcun kanmah hmai ah kan nor hmasa aherh. Tulio cu party caan asi rihlo”.

Note-Mah ca hi amah ka hal lo, natein a thil tuah mi hi ka upat ngai caah le midang caah cawnpiaktu tha a si caah le zohchunawk tlak a si caah post ka tuah mi a si.

Malaysia cu lockdown lawngte si caah, mah bantuk lungput ngei i, lamzawhtu hna eiding cawknak caah hi zat tangka a kuat khawh mi hna hi uar lo awk tha lo. Pathian nih a rian tuannak ah tampi thlachuah pe se ti hi Chinpage rian tuantu kan thlacamnak a si

Be the first to comment on "Malaysia um, Nung Hlei Iang nih Yangon lamzawhtu hna dinti/eidin caah tangka a kuat mi hna tu a tam tak tak"

Leave a comment

Your email address will not be published.


*