Me pee kho vialte nih cun a mah sin ah mee burh dih a phu hrimhrimmi Pasal tling bak a si ka ti

 

Vice President Henry Van Thio nih chan he aa tlaak in CHIN miphun caah tthanchonaak a tuahmi ah lomh a um taktakmi- 20. Tawlreba ( VUAUH ) cinnaak

Chin miphun chung in a kan hruaitu kan pa le hna pawl nih hin an mah chan lio ah an si khawh tawk cio in Chin miphun tthanchonaak cu an rak tuah cio. Chin Vuanci a rak ttuanmi hna kan Pu le a simi Pu Vuam Tu Mg te Pu Za Hre Lian te Pu Thang Lian te Pu Ral Hmung te hna an chan lio ah an mah si khawh
tawk in Chin mipi tthan chonaak cu an rak tuah cio ko.

Hlan lio parlimen chan ah coffee an rak cin ter hna i inn kaanlo ti awk in rak cin ter asi. Kan hngakchiat lio te asi. A sinain sau a nguh lemlo. Chin ram ah coffee a um tilo ti awk a si. Ttawhlanzii le Chin Oo sii chan lio 1962 kum in 1968 hrawng tiang ah Pu Son Khaw Lian te Vuam Tu Ha Sing te Pu Tin
Zam le Pu Put Pau te hruainak in Chin ram ca ah Apple, Pear le Sachuma hna Japan ram ah an rak cah i
cu lio ah cun a lar ngaingai ve na in a tu a thi pah dih cang.

Kei zong 1963/66 kum hrawng Rev. Dr. David Van Bik, Rev. Huat Kham, Pu Do Thio, Pu Hram Lei
( Loklung Baible pa ) te hna he thing kung peh le ciinruang ah kan rak i hawikom hna. Cucun Ttawhlanzii
chan in Pyituh council chan tlawmpal tiang ah hlekatthih tuah le changvut le facang a ttha deuhmi cin hna a rak laar ngai.

Vuah ttah le yahkah chan in Kyanh phuat chan ah cun Lakphak chan a tho tthan i “ Chin Pyine di Lapheh Pyine phih zah me “ ti a hung chuak. A si na in a tuah ning taktak le a zuar naak le a seh zung phun an
tuah ve lo ca ah zei ngaingai ah aa chuah canh lo. A tu NLD Cozah chan ah cun VUAUH cin le RUA cin van chuahpi a si i a tu kan pupi Vice President Henry Van Thio hruai le tlaangtlaaknak thawng in Mindat ah cun Sehzung zong a sak ter cang hna. VUAUH hi cu mi a kan deuh lailo an ti cio.

A tu ah kan Halkha le Thantlaang zong ah faakpi in an i zuam i a cingmi an tam ngaingai cang. PATHIAN rianttuantu kan Pastor pawl ko nih hin an cin ti ka theih. A rauhhlan ah rum dih dawh an si. Kei
mah zong khuazei mawlo thlanglei Laitlaang mi theih lonak te ah ka cin ve i, kum vui cu Mawttaw cawk
awk na rak i kawl chung a hau anka ti lengmang atuhi.

Rak ttang ttualmal ko uh rak cing cio ko uh. A ra laimi kum ah kan Pu Henry Van Thio nih Thantlaang khua pawng kuhchah/ Tlaangrua lam lei ah WAUH sehzung kan sak tthan lai a ti. Kei cu kaa ngaih taktak a si. WAUH cinnak ah tangka cawi ding zong ting 3500 budget kan chiah cang a ti.

Kan Pu Henry Van Thio nih ka ttuan lai a timi hi cu a hman, a pehzulh, a tlaam a tlin lo hlan te a ttuanmi kan hmuh tik ah upat lo awk a ttha lo. Me pee kho vialte nih cun a mah sin ah mee burh dih a phu hrimhrimmi Pasal tling bak a si ka ti.!!! credit- JB Biak Tin sang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Me pee kho vialte nih cun a mah sin ah mee burh dih a phu hrimhrimmi Pasal tling bak a si ka ti"

Leave a comment

Your email address will not be published.


*