Melania nih a pasal Trump kong a chim mi nih mi tampi lunthing akekui; Trump a rak tuar ning hi cu!!

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Covid in a dam tthan hnuah US first lady Mrs. Melania zong a pasal caah campaign tuah ding in a cawlhcang ve cang.  first solo campaign Pennsylvania ah a ngei, Democrats pawl nih Trump impeachment an rak tuah mi cu poi a ti i,  an thil rak tuah ning tha ti lo ning a soisel

Joe Biden cu socialist tiin fakpi in a phomh. Media pawl nih thil a hman mi US mipi sin ah theiter duh lo in, a hman lo mi lawngte Trump soiselnak le thangchiatnak an phuan peng mi kongah tha a ti lo ning a chim. Trump nupi, Melania Trump nih a pasal Trump kong a chim mi cu

Trump hi fighter tak tak cu a si,  (US ram caah a herh ning tein a cawlhcang peng kho mi a si) America ram hi a dawt tuk hrinhrang, US ram caah i dinh caang ngei lo in chun he zan he rian a tuan peng mi a si. America tuanbia ah a voihkhatnak ding caah social Media hmangin mipi he i ruah ti khawhnak kan ngei cu Trump ruangah a si

Donald Trump a bia chim ning le a um tuk ning hi a dihlak in ka cohlan ve lo, natein US mipi caah rian a ttuan nak ah mipi he naitein pehtlaihnak an ngei peng mi nih hin thil tampi lam a kan hmusak tu a si. Kan chungkhar dihlak in Covid kan ngei lio ah fakpi in thlacam a kan bawmh tu vialte sin ah lunglawm bia ka chim

Atu cu kan dam dih cang. Therapeutic Options an kan pek hna, kan nih lawm tak tak. Mah hi philh lo ding. Covid nih US ram a vun phan hmasak lio ah khan Democrat pawl nih Trump rian ttuan ning vialte an doh/soisel kha.

Trump nih China ban a dawngter in Democrat pawl nih thleidangnak na ngei tiah fakpi in an rak soisel lengmang kha.  Mah bantuk in an soisel thangchiat lio zongah US mipi caah President  Trump nih he tiah rian a tuan peng.

Democrat pawl nih mipitax an pek mi hmangin a hman lo mi kongah Trump impeachment an tuah i, caan tampi an dih hlei ah tangka tampi an hmang. Democrat pawl nih Trump impeachment lawng an ruah peng. US ram caah zeihman tuah an nih tim lo, Trump hi zeitin impeachment kan tuah khawh lai ti lawngte lam an kawl.

President Trump nih caan chia tampi a tawn, natein US ram caah i dinhnak caan hman ngei lo in nan caah rian a ttuan peng. Zeibantuk in ngaihchiat le lungrethei in a um zongah lunglawm tein um a zuam peng.

Thil tha lo le a kong a hman lo in an chim an soisel peng zongah a thil tawn mi ah a a thalo ning in bia a chim mi nan thei bal lai lo. Nan thei lo karlakah ama tein lungfaknak le ngeichiatnak tampi a tawn. Natein US ram a dawt tuk caah mah vialte cu a tei dih hna

Joe Biden nih Trump nak in US ram caah rian ka tuan mi a tam deuh tiah a chim ngam maw? Kum 36 American Senator a rak si cang i, Vice President kum 8 a ttuan cang i, zeihman tu rian a tuan mi hmuh ding a um tung lo?

Trump hi President cuh a tim bak in Media pawl nih a kong that lo ning lawngtein an soisel. Trump tuah sual mi le a chim sual mi kawl ding mi media kip nih Trump an zoh peng. Trump nih US ram a dawt tuk caah a caan dihlak hi President a si chungah cun US ram le mipi caah thil tha poah poah tuah a tim tiah Malenia Trump nih a chim. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Melania nih a pasal Trump kong a chim mi nih mi tampi lunthing akekui; Trump a rak tuar ning hi cu!!"

Leave a comment

Your email address will not be published.


*