Michigan sihnih Matthew nih Trump tuah cang law ti mi cu a linsa bak ko ee!!

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi a si. Nifatin US thawngpang 4/5 na rel khawh peng nak ding caah Chinpage hi Follow/Like tuah ding in kan sawm hna

US 2020 election cu hlennak le lih a tam tuk caah tu tiang zeihman thawngpang fiang thei kho a si lo, January ni 6 ah Joint Session of Congress au a si, Mah Joint Session of Congress ah President ding mi cu thim than a si lai.

(Mah bantuk in Joint Session of Congress au a si nak ruang ka vun tial lai). Machigan lawyer nih Newsmax ah interview a tuahnak ah Trump cu MARTIAL LAW/VETO POWER  hmang cang law tiin bia a ca.

Trump hi mi tampi nih Martial Law hmang ding in heh tiah an forh thluamah ve cang. Michigan State, Antrim County ah Dominion voting Machine 22 cu forensic audit tuah a si hnuah Judge Judge Kevin Elsenheimer sin ah ap a si.

Judge nih a rak cohlan i, mah forensic audit nan tuah mi hi, thil sining nan hmuh mi dihlak cu mipi sin ah langter cang u tiah a ti hna

Mah forensic auditor Russell Ramsland, NASA ah rian a rak tuan cang mi nih a dawngnak ah a chim mi cu, atu cu Trump kutah zeipoah a um cang, a duh a cun Martial law a phuan kho cang tiin a chim.

Mah Antrim County ah Dominion voting machine a dik lo, vote hlennak le firnak caah an ser mi hrim a si tiah biakhianak an tuah hnuah, mah hi tehte thatuk mi ah hmang in Trump nih State Court le US supreme Court hna cu heh tiah a phomh hna

Mah bantuk thil hi ka tlungter hrim lai lo tiah a chim. Atu Michigan sihni, Trump Martial Law hmang ding in a ti tu hi Matthew DePerno Antrim County Plaintiff a si.

A chim ning a cun Antrim County ah Dominion an hmang mi bantuk hi Michigan County 48 ah hmang a si tiin. Atu cu ramdang mi nih US election ah an nih thlak cang ti fiangtein a lang cang caah,

Trump cu a rang kho in amah nawlngeinak (power) hmang kho a si cang. President Trump nih mah bantuk in thil a tuah mi sin ah dantaknak fakpi tuah seh tiin a chim. Source-Theepochtimes

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Michigan sihnih Matthew nih Trump tuah cang law ti mi cu a linsa bak ko ee!!"

Leave a comment

Your email address will not be published.


*