Min Aung Hlain nih thawngthanhnak a tuah than cang; Hakha mizapi kan karh chin a hau

Hakha mizapi kan karh chin a hau. 2021 February 26 zaan suimilaam 8:00 i ralkap nih a tlaih mi MRTV news an chim ning ah lamzawhnak ah aa telmi le hruaitu poh cu tlaihnak nawl a pek cang hna ti a si.

Ni zeimawzat chung kan zaangfah cang hna. Kan ngaihthiam cang hna i atu cu tlaih hram kan thok cang lai tiah Min Aung Hlaing nih a chim.

Nihin zinglei Myanmar ram kan zoh tik ah, Yangon cu hmunkip ah tlaih le khih, minung thentheknak an tuah cang.

Hakha zong nizaan inkhan an zia an hun langhter pah cang. Nihin zaanlei pahnih i kan cawlcanghnak zong ah pakhat khat thil a cang khomi dirhmun kan si.

Nihin zinglei sang zong ahkhan ralkap le palek an i chok len cang. Hi bantuk dirhmun kan si tik ah,

mizapi nih tihphannak um lo, lungthul loin kan chuah cio ding le kan i pek cio ding a herh.

Nihin ni zing Kalay ah tlaih ding in an chuak. Mizapi tanrualnak thawng in an tlai kho hna lo. Hakha zong cu bantuk si hram seh.

Zapi a tar he a no he rak chuak cio hram uh. Kan tei hrimhrim lai. Kan dohmi ral kan tei a hau. A dongh tiang kan kal a hau c/p

Be the first to comment on "Min Aung Hlain nih thawngthanhnak a tuah than cang; Hakha mizapi kan karh chin a hau"

Leave a comment

Your email address will not be published.


*