Minak pa, Democrat in State Representative a si mi nih Trump a dirpi caah Democrat/Left pawl tha/velh an nih tim

Tih nung tuk cang ee!! Republican pawl tampi nih Joe Biden cu President si ding in an dirpi, Democrat National Convention ah bia zong an chim. Natein Republican pawl nih zei tin hman an ti lo.

Natein Minak pa, Democrat in Georgia ah State Representative in an thim mi, Rep. Vernon Jones cu nili zan ah Trump a dirpi pinak langter in Republican National conventio (RNC) The White ah a tel ve caah Democrat/left lei nih thah an nih tim i, lampi ah palik pawl nih an khamh i, palik pawl vennak in a umnak inn lei ah him tein a lawi khaw

Rep. Vernon Jones nih zan hnihnak (2) Republican National Convention ah bia a chim. Minak a si i, Trump nih minak pawl caah thil a tuah ning le Joe Biden nih minak pawl caah thil an tuah ning kong ah Trump 4 rian ttuan mi cu Joe Biden kum 47 rian a ttuan mi nak in a tam deuhnak kawng a chim.

Cun Democrat pawl nih a riang in i ding ding in fakpi in an thlerh. Natein mipi nih thim mi a si caah a caan a dawn hlan cu tuan a tim. (mah kong hi Chinpage ah fiangtein ka ttial cang kha)

A zanhnihnak ah bia a chim mi cu uar um tuk i, minak tampi lungthin a thleng lai tiah an zum ngai mi le a bia chim mi kongah Democrat pawl nih soiselnak le thangchiatnak an ngei lo caah an lungfak tuk ruangah mah bantuk thil an tuah mi a si tiah source nih a chim

White house in a chuak i lam a akal lio ah Democrat/left pawl nih misual pa, thleidang a hmang mi pa, muichiapa, tiin vakpi ina an au hnawh. Jone nih a chim tthan mi cu Black Lives Matter an ti mi cu lih lawng te a si. Credit- Foxnews

(Thaizing damtein kan um a cun Democrat pawl nih Senator Rand Paul tha an nih timnak kong ka vun ttial lai. Mah Chinpage ah hin US thawngpang ni fatin 4/5 ka ttial peng caah, US thawngpang rel na duh a cun Chinpage hi like/follow vun tuah law, ni fatin US thawngpang na rel khawh peng lai tinak a si

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Minak pa, Democrat in State Representative a si mi nih Trump a dirpi caah Democrat/Left pawl tha/velh an nih tim"

Leave a comment

Your email address will not be published.


*