Minak pa Obam bia chim mi nih USA mipi a lauter ngai; Ceilak in phomh chi a si

Coronavirus ruangah USA cu a buai chin lengmang, a tha cang lai tiah an zum lio ah Black Live Matter buainak a vun chuak tthan. USA cozah nih phunlam a ser mi social distancing zulh le zulh lo cu an thei ti lo. USA properties tampi an hrawh cang. USA President properties an duh poah in an tuah hnuah Jesuh lem zong hrawh ding in tim tuahnak an ngei

President Trump nih mah bantuk in US Properties a hrawhtu hna cu tlaih in thawnginn ah chia ding in min thutnak a tuah cang. USA President pawl zuk cu chim lo, Jesuh hmangthlak tiang kan hrawh lai an ti cang. Liberal le Democrat pawl an thil tuah mi cu, vawlei cung ramkip ah a cohlan mi an um bak lo. An mah minak lila chungah buainak fakpi in a chuak

Mah bantuk in USA a buai lio ah Democrat pawl hna cu zeihman an chim lo, daitein an um lo. Trump nih rally ka ngei lai tiah a vun chim cu, fakpi in social distancing cu an au pi than. Democrat pawl an thil tuah ning hi minung men men si ti lo, Setan rian ttuannak a si cang tiah mi tampi nih an chim cang.

Donald Trump nih “Kung Flu” timi biafang a hman ruangah Trump umnak USA ah um ka zuam ti lo tiah Obama nih a chim. President Trump nih a rak chim hlan ah Media tampi nih Febuary ni 17 ah China virus ti hi an rak ttial cang. Soisel mi le thangchiat mi an um lo, natein an ttial ning bantuk in President Trump nih mah biafang a vun hmang bak cu Media a rak ttialtu pawl nih racist tiin Trump cu fakpi in an soisel than

Asean miphun pawl thleidannak biafang a si caah aipuang in a ka tuah” tiah a chim. Tuluk cozah nih Coronavirus cu US ralkap pawl nih an kan chiah tami a si tiah Tuluk cozah nih US a puh hnu in Donald Trump nih Chinese Virus timi le Kung Flu” timi biafang hi a faak deuh in a hman venak a si.

Chinese Virus timi biafang cu a hram thawk ah CNN, Washington le New York Times nih a hman hmasa. Asinain President Donald Trump nih a hman ahcun miphun thleidannak a ngei tiah an puh. Obama nih a chim bantuk in kum 2016 Election lio ah Hollywood le celebrities nih Trump President a si ah cun Canada ah ka thial lai tiah a chim mi tampi an um, natein atu zoh ah cun aa thial mi an um lo, fakpi in soisel le thangchiat an si.

Obama zong hi mah bantuk in bia a chim caah ceilak in soisel le thanchiat a si ve. Amah President a ttuan lio ah Muslim pawl usa apek ning le muslim ram a doh ngam lo mi le IS pawl cungah zeihman a tuah duh lo ning vialte kha a philh cang ruah tiah fakpi in soisel a si. Credit-Foxnews and Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Minak pa Obam bia chim mi nih USA mipi a lauter ngai; Ceilak in phomh chi a si"

Leave a comment

Your email address will not be published.


*