Minak tampi nih USA an hrawh lio ah minak pakhat thil tuah mi nih vawlei a hninh bak ko

  Minak an sual ning le an hrokhrawl ning cu chim hau lo in thei a si, natein minak dihlak hi an sual in an hrokhrawl lo ti langtertu a minak pakhat a vun lang tthan. Tu lio USA buianak cu thei dih a si, minak tampi nih Floyd thinak kongah an duh loning an langter thluamah lio ah minak tampi nih cun zeidah ka fir khawh lai tiin thilf fir ding le hrawh ding lawngte an kawl ve

Black Life Matters nih America ram chung cu zarhnih chungbak buainak le hnahnawhnak an tuah cang. Mi tampi nih an sual ning le an thil tuah mi fih a nung ning an langter lio ah thil duhnung ngai mi a vun lang tthan, mipakhat Buffallo mino kum 18 mi Antonio Gwynn Jr. High School a cawn lio mi nih cun suimilam 10 chung bak minak pawl nih an hrawh mi le an thil tuah mi vialte cu a thiang dih.

Garbage Bag le hmunphiah he suimilam 10 chung bak hnawm cu a thian. Mah bantuk in thil a tuah mi cu a inn pawng pawl nih zeihman an rel piak lo bantuk in an um lio ah Hometown Bufallo, the state of New York mi pawl nih cun mah bantuk in rian a ttuan mi cu an rak hmuh i a thil tuah mi an uar ngai

Nikhat ni (monday) 2 am thawk in suimilam 10 chung a rian ttuan mi cu CNN ah langter a si. An inn pawng ah um mi Matt Block nih cun Gwynn Jr hi “2004 red Mustang convertible” sunglawi tuk mi cu laksawng caah a pek.

Automobiles dawr ngeitu pakhat nih cun kum khat chung bak auto insurance free in kan tuah piak lai an ti, Buffalo college pakhat nih cun Gwynn nih Business a cawn khawhnak ding caah full scholarship  kan pek lai an ti cang. Source-waaytv.com

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Minak tampi nih USA an hrawh lio ah minak pakhat thil tuah mi nih vawlei a hninh bak ko"

Leave a comment

Your email address will not be published.


*