Minnesota Palik pawl nih an bia an hnuh thhan cang, Biden caah thawngchia bak si cang

Minnesota State hi Democrat pawl nih teinak an hmuh lai tiah an zum nagi mi a si, Trump nih fakpi in campaign a tuah. Trump teinak a hmuh khawhnak ding caah a her ngai mi State a si ve. Tu lio thawngpang a linsa ngai mi pakhat cu Minnesota Palik pawl nih Democrat party cu fakpi in an dirpi, natein a tu cu an bia kha an leh cang

Mah Chinpage ah US thawngpang 4/5 ni fatin ka ttial peng caah, US thawngpang thei na duh a cun, mah Chinpage hi like/follow vun tuah law, ni fatin US thawngpang 4/5 na rel khawh peng lai tinak a si.

Minnesota palik nih an bia an lehnak ruang bik an chim mi cu, Democrat candidate a si mi pakhat nih palik pa cu ceilak in a thawng caah a si tiah thei a si. Mah palik pa min cu Bob Kroll a si

Democrat pawl nih mah bantuk in Palik pawl cungah an duh duh in an tuah ngam i, palik pawl zei rel loin mah bantuk in mipi hmaiah kut bak in a thawng ngam caah Minnesota Palik pawl nh Democrat party cu an dirkam duh ti lo i, Republican party lei a an nih thial lai tiah zum a si

Palik officer a si mi, Brain Peter nih a chim mi cu, mah bantuk hi Democrat party pawl nih thil an tuah lengmang caah, ka buu (My organization) nih cun mi dang kan dirkam a her cang tiah a chim

President Trump hi Palik Union (The Fraternal Order of Police) le Palice Benevolent Association of the city of New York (PBA) nih an dirpi ning fiang tein an chim cang i, State dang palik zong nih an dirpi ning fiangtein mah Chinpage ah ka ttial cang kha. Credit-Breitbart

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Minnesota Palik pawl nih an bia an hnuh thhan cang, Biden caah thawngchia bak si cang"

Leave a comment

Your email address will not be published.


*