Mino kum 18 mi, Jesuh a hlawt duh lo caah an thah ning cu a fak tuk hrinhrang

Jesuh a zum ning a a thawngtuk caah a kawng a rel mi poah nih an uar i mitthli he an um ko. Mino kum 18 mi, Daniela bantuk in zumnak a ngei mi cu zumlotu nih mah bantuk in an thah ko hi. Mino kum 18 mi nih mah bantuk in Jesuh a zum i,

Jesuh cu ka hlawn khoh bak ko, ka caah cun thinak cu tih a nung ngai, natein Jesuh hlawn cu ka duh lo caah ka thah ko u tiah raltha tein Jesuh a dirpi ngam mi, Jesuh caah pasal le raltha, Daniel le a hoi bantuk in a zumnak ah raltha tein Pathian a zul mi cu Hindu extremist pawl sawngkhoi chungah an chia i,  a ke le kut an tanh piak hnuah lungin an cheh i, nam i voitam pi an hnunglei in an vih hnuah a nunnak a liam

Sambaru Madkami ruak cu Jun 5 ah ramlak chungah, an umnak khua Kenduguca, malkangiri District, Odisha stat in milles 4 hla ah a ruak hi hmuh a si. June ni 4 ah khan khrifa a huat ngai mi nih thah ding in an kawl hna tiah source nih a chim

Sambaru hi hostel ah ca cawng in a um tawn mi a si, natein Covid lockdown ruangah inn lei ah a um i, mah bantuk in inn lei ah a um lio ah hin Pathian sin ah fakpi in thazang laknak ding caah thla a cam peng mi a si. Sambaru Pathian bia a thei tuk mi a si. An khuah ah hin inn 230 hrawng a um i, khrifah inn hi inn 3 lawng a um. Khrifah tlawmte an si i, amah hi an nih bohchan ngai mi a si.

Lockdown lio a si caah Ni fatin khrifah chungkhar hna cu thlacam nak a tuah pi tawn hna i, Bible a cawn piak tawn. Minung 10 hrawng cu Sambara inn ah June ni 4, suimilam 11PM hrawngah an rah, Sambara pa cu an au i, tlaih an nih tim. Natein sambara pa hi a fanu a dam lo i siizungah a fanu a zohternak le sii a lak piak tawnnak hi an inn in a hlat ngai caah hmun dangah a chungkhar sin ah mah zan ah hian a um lio a si. Sambaru pa cu a um lo caah amah sambaru cu an tlaih i, hmun dang ah an kalpi

Sambaru an tlaih i an kalpi hnuah, mi dang tampi nih lampi an an rak dawn. a kut ah an ttawn i, fakpi in an velh. Sambaru cu ramleng ah an kal pi i, sawngkhoi chungah an chia i, a ke le kut an tanh piak hnuah lungin an cheh i, nam i voitam pi an hnunglei in an vih hnuah a nunnak a liam. Source-Morning Star News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Mino kum 18 mi, Jesuh a hlawt duh lo caah an thah ning cu a fak tuk hrinhrang"

Leave a comment

Your email address will not be published.


*