Mipi nih an duh bik mi thawngpang an thei cang ee!! Thawngtha tak tak-Salai Bawi Lian Mang

2008 Constitution is gone. Federal Democracy Charter is here. Perhaps this Federal Democracy Charter is the Magna Carter Charter of Burma. 2008 phunghram Kan hlonh. Federal Democracy Biakam roca kan thanh. Mahhi Biakam Roca hi Magna Carter charter Biakam Roca bantuk in kan itlaih Lai. 1215 June 15 ah England ram ah Magna Carta Biakam Roca cu an rak thanh.

Cu Roca nih cun Siangpahrang le zapi zaran kha phunghram nih ai tluk te in a hren hna. Political tuanbia le democracy le zalonnak caah a biapi bik Roca asi. Hi Roca Biakam kan nunter ding a biapi taktak. Ralkap uknak a lo cang! Mipi nih teinak kan co cang! Credit: Salai Bawi Lian Mang

2021 Myanmar Revolution. The Republic Union of Myanmar (UM) nih Nov. 8, 2020 ah thimnak a tuah i, National League for Democracy (NLD) nih zatuak 83% in teinak a hmuh. Nain, Kawl ralkap nih covid-19 zulhphung buarnak (thimnak campaign pehtlai in) thimfung firnak le walkie-talkie tbk ruangah thimnak result cohlang loin, Feb. 1, 2021 ah uknak vialte meithal in an lak tthan. Feb. 1, 2021 ah Aung Sang Suu Kyi (State Counsellor), Win Myint (President) le dangdang lutlai hna cu erh le hren dih an si.

Cu tikah, kum 2021 Myanmar Revolution cu vawlei pumpi hnin in a langsar i, tuni tiang buaipi peng si rih. Lamzawhnak (demonstration) Feb. 2, 2021 in lamzawh cu UM ah ai thawk colh ve. Federal phunghram le democracy duhmi vialte a thongthong in lamzawh si.

Tuni tiang ah minung 900 leng nunnak a liam cang i, minung 3000 leng hrenhkhenh an si. Ramchung he ramleng he lamzawhnak cu UM thlennak caah tuah cio a si. CDM Feb. 4, 2021 ah civil disobedience movement (CDM) cu tuah thawk colh a van si.

CDM tuahnak nih UM cu rianttuan kho loin a van tuah. CDM ai telmi caah pumpak, phu le buu tbk tiah a phunphun in tangka chuah cio a si. CDM cu kum 2022 Nobel Peace Prize ah mintar zong si. CRPH March 2, 2021 ah Committee Representing Pyidaungsu Hluttaw (CRPH) cu NLD min in cozah zaka ah a van dir. CRPH ah Mahn Win Khaing Than (V. President) lutlai a si.

CRPH nih Dr. Sasa cu feb. 22, 2021 ah CRPH’s Special Envoy to the United Nations caah an van thim. Kawl Ralkap nih CRPH cu a cohlang lo. CRPH nih federal phunghram, democracy, cozah le ralkap in UM sersiam a timh cuahmah.

UM thlennak le Kawl ralkap teinak caah, lamzawh, CDM le CRPH hi tulio ah biatak in kalpi cio si. Cun, Tlangcung hriamtlai hna zong nih Kawl ralkap kah bak duh si. Cu bantukin, rammi zong nih meithal in doh le kah bak duh si cang. Tulio cu ramchung raltuknak zong a van um pah cang.

Ramri ah a zammi zong an um cang. A thong zaza in kan thi sual lai maw silole a million hna in harnak kan tong sual lai maw tihi ruah awktlak ngaingai si. April 1, 2021 in UM tulio thil pehtlai in hmailei dirhmun a fiang pup te kho men. Atu bantuk lioah, pumpak miaknak le ziknawhnak (eihmurnak) tuah lo hi biapi ngai (a bik in dirkamhnak tangka ah hrokhrol lo ding).

Tutan ah teinak kan hmuh locun, chan tampi a rau kho men. Vawlei pumpi nih a herh ti tikah, humanitarian aid le R2P min in a dirkamh te ko lai. Ram tampi nih Kawl ralkap mawhchiatnak bia le cathanh an tuahmi kan theih cang. Cun, chawlehnak zong dantatnak an tuah cang.

Ningcang in renghnak le hremnak an tuah cuahmah lio si ko. Cucaah, tlawmpal cu lungsau deuh rih kan hau kho men. Tutan hi teinak kan hmuhnak ding ah a lam kau bik tiah pumpak cun ka ruah. UM minung vialte kan ttangtti, SoMe ah kan tthawng, Gen-Z an tthawng i, vawlei pumpi nih an buaipi cang.

Kum 1964, 1988 le 2007 lio bantuk in mipi kan sung tthan lai ding hi ka zum lem lo. Nain, UM minung le CRPH nih kan i-palh sual ahcun, poi ngai kho men. Ningcang in lamzawhnak, CDM le CRPH nih kan nawr ko ahcun, teinak kan hmu hrimhrim ko lai.

Note: mah vialte kha si rih seh. March 28, 2021 lamzawhnak ah bia ka chim ve i, ka lunghno ruangmang ve. Lungthin hi rak uk khawh taktak si rua lo. Credit: Van Nun Lian

Thawngpang ka tial mi hi source zumtlak mi nih an tial mi lawng ka post tawn. Cu caah thawngpang a hman lo mi le a dik lo mi, mipi sin ah thanh le tial hi kan chin miphun caah thil thalo a si caah tial ka tim lo. Chinpage thazang a ka pe tu vialte nan sin ah lunglawm bia ka chim. Chinpage hi like le follow vun tuah ve law, US thawngpang le vulei cung thawngpang a hman mi ka post mi na rel khawh peng lai. By-ChiefEditor

Be the first to comment on "Mipi nih an duh bik mi thawngpang an thei cang ee!! Thawngtha tak tak-Salai Bawi Lian Mang"

Leave a comment

Your email address will not be published.


*