Mipi Ralkap Nih SAC Ralkap Tam Tak Tak An Thah Than Hna>>>

Demoso Kahdohnak Ah Ralhrang 20 Nak Tam An Thi, Minung(4) A Nung In An Tlaih Hna Dipa[December] 4, 2022 _ CCN Channel Karenni ramṭhen Demoso ah nizan(Dipa 3) ah Ralhrang le KNDF phukomh ralkap hna karlak ah kahdohnak a chuak i ralhrang 20 nak tam an thi, minung 4 an nung in an tlaih khawh hna. Meithal zun(11) le zenkuan tampi an lak khawh tiah Khit Thit Media nih a langhter.

Nikhat chung deng kahdohnak ah ralhrang 20nak tam an thi. Sergeant(senthum)-1, corporal(senhnih)-2 le an kuttang ralkap pakhat, an dihlak minung(4) a nung in an tlaih hna. MA-1 zun(4), MA-3 zun(2), MA-4 zun(1), MG-3 zun(1), RPG zun(1), 60MM pahnih, Computer 1, Phone, zenkuan hna le an thilri hna an lakpiak khawh hna tiah theih a si

Dipa 3, zinglei suimilam 3:00 thok in Demoso peng Dawkahmi(ဒေါကမီးကျေးရွာ) khua lei ah thazaang tampi in rallam a rak sialtu ralhrang hna cu KNDF B (01), B (05), B (06), B (07), B (09) hna le KA i fonh in an kah hna. Ralhrang hna cu hriamngan zong in an van bawmh hna i zanlei zong ah vanlawng in voi(3) tiang bomb a thlak. Zan 9:00 hrawng zong ah vanlawng in bomb a thlak ṭhan tiah theih a si.

Tutan i rallam a rak sialmi battalion hna hi a luancia Dipa 24,2021 lio ah Hpruso(ဖရူဆိုမြို့နယ်)peng Musu(မိုဆိုကျေးရွာ) khua pawng i sualnak ngeilo mipi (40)nak tam mei in a khangtu hna chung ah aa tel ve mi an si i an tlaihmi hna zong hi mah mei khanghnak ah an i tel le tel lo kan chekhlat lai i an i tel ah cun a herhning in danthatnak kan tuah lai tiah KNDF lei ṭuanvo ngeitu nih a chim.

Relchap:Tlangcung hriamtlai phu,NUG, PDFs le CDFs nih kumhnih ralhrang dohnak chungah kawlram Myone 330 ah biapi deuh myo pakhat zong kan uk (control) khawh rih lo.
MIPI rALKAP nIH
Phukhat hnu phukhat in ralhrang kahngolnak ah an kal le luh te hna i,”pakhat hnu pakhat an kal chungkhar an tling tilo” timi hla kan hluan lo chung cu lungdong le thachia in um hngin hlah usih.Ralhrang hi fawite hlek in kan tei zau lai tiah dohmi asilo khah! Kan tei hlan lo kan doh lai timi ahkhan kan lunghmun peng ko seh.