Mizeihmanh Nih Kanmah Ralkap Umnak ah Campaign Nan Tuah Kho Lai Lo

Kawlram Ralkap nih an umnak pawngkam lenglei minung mizeihmanh nih campaign nan tuah kho lo tiah an chim. Cu kong he aa pehtlaiin Myanmar Election Commission nih thil sining mipi sinah theihternak an tuah cang. November mee thlak hlan hrim hrimah party leaders an si zongah ralkap nih an kham hna. Cun mee thlak tik zongah mipi mee thlaknak ah si loin anmah ralkap umnak military barracks ah mee an thlak lai. Union Election Commission (UEC) spokesman U Myint Naing zong nih commission’s press conference, Naypyitaw ah a chimmi cu, Ralkap umnak hmun hrim hrim ah mizeihmanh nih campaign tuah khawh a si lo tiah achim.

Military spokesperson Brigadier General Zaw Min Tun nih achim mi ah cun ralkap kan umnak ah ahohmanh nih November thla thimnak kong he aa pehtlaimi campaign nan tuah kho lai lo. Kanmah chung in mee pakhat halnak nawl zong nan ngei kho lai lo tiah a chim. National League for Democracy (NLD) lawmaker U Aung Kyaw Kyaw Oo nih achim vemi cu, kawlram ralkap nih anmah sinah NLD phunglam chimphuan an duhlonak a ruang cu NLD party nih zulhphung a ngeihmi an theih ah cun biahalnak a tam cang lai.

Be the first to comment on "Mizeihmanh Nih Kanmah Ralkap Umnak ah Campaign Nan Tuah Kho Lai Lo"

Leave a comment

Your email address will not be published.


*