Mizer nu German Chancellor Angela Merkel cu President Trump nih ceilak in aphomh cang

Pathian tih bu in, thil tha  si mi poah cu a tuah lengmang mi a si. A bia chim mi le thil tuah mi cu uar um bak ko. USA ram thatnak a si ah cun tih a ngei lo, Pathian lawng a ti mi nih mah bantuk in USA President rian a ttuan mi hi USA mipi caah cun thlachuah sunglawi tuk mi a si.

President Trump nih Germany ram chungah USA ralkap NATO duty ah a um lio mi US Troops 9,500 hrawng cu August- September hrawng ah USA ram chungah kir ding in a au hna lai. Zeidah a ruang ti bia le hla a tam ngai. Germany official pakhat nih USA hi kan hawikam ram a si, natein an mah he rian ttuanti cu a buaithlak tuk tiah a rak chim cang.

Commander in Chief  nih nikhat ni (Monday) ah reporters pawl nih bia an hal mi a lehnak ah cun “US hi NATO members kan si bantuk in Germany ram a himnak ding caah caan saupi kan rak veng cang. Natein Germany nih NATO member an si bantuk in an tuah ding mi zeihman an tuah lo

US military 25,000 service members lawng kan chia cang lai, Germany ram nih an ttuan ding mi an ttuan a her ve cang” tiin aleh hna. Germany nih hin an GDP in 2 cu, NATO spending ah pek ding an si.

German Ambassador Emily Haber nih a chim ning ah cun “US troops pawl nih Germany hi an veng hrim lo, transatlantic security ah duty an si, American power -Africa, le Asia zong an ven hna ti hi rak thei seh tiah fakpi in bia a chim. NATO sin ah Germany officials pawl nih an GDP in 2% an pek lai maw, China le Russia ral lakah an mah in ivennak an kawl lai ti a si cang. Source-BBC

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Mizer nu German Chancellor Angela Merkel cu President Trump nih ceilak in aphomh cang"

Leave a comment

Your email address will not be published.


*