MMID Winner Esther a chimh ning bantuk in Pathian nih thluachua pe hna seh

Myanmar Idol Season 4 Winner a simi Esther Dawt Chin Sung cu Kawl media pawl nih interview an tuah tthan i a nun lamthluan ah lungkuai nak na rak ngei bal maw timi tiang in an hal. Tutan Interview an tuahnak ah a luancia caan a nunnak ah a rak ton tete zong a chim tthan lawng si loin hmailei caah zeibantuk minung dah pasal ding bantuk in a duh timi kong zong a chim chap fawn. Na lungkuai bal maw (Darling kong ah) timi bia halnak ah “Tlangval ka rak ngeih lio ahcun ka lung a rak kuai bal ve ko. A si nain a tu ahcun kan pahnih karlak ah zeihmanh a um ti lo u lungkuai nak timi zong ka ngei ti lo e, lungdai le lungnuam tein ka um ko cang” tiah a chim.

Cun nan pahnih hnatlaknak tein maw nan i tthen, zeiruang bik ahdah tiah hmursau ngai in an hal chap tthan mi ah “Kan pahnih karlak lungdai tein kan i tthen ko. Kan karlak ah i ralnak le i huat nak zong a um hrimhrim lo. Kan pahnih in Chin miphun veve kan si tikah theihthiamnak nganpi he kan i tthen. A tu hnu kan i ton caan zong ah i huatnak le rem lonak ti bantuk zong zeihmanh a um lo” tiah a chim fawn. Hmailei na tlangval ding ah an chun mang tiah an hal mi ahcun “Keimah ka ruah nak ahcun Phaisa tampi a ngei mi le mirum ti bantuk hi ka lung ah a um lo, cu nak incun keimah a ka dawmi tlangval hi a tthabik” tiah a chim tthan hi a si. A taang ah video kan chiah chih, bialeh ning a thiam tuk video timi hi Click law rak zoh ve te. Ref: Laikokekjournal

Video

Be the first to comment on "MMID Winner Esther a chimh ning bantuk in Pathian nih thluachua pe hna seh"

Leave a comment

Your email address will not be published.


*