Mogok Hawikom Thihnak Konglam He Pehtlai In Chin Mi Ralzaam Hna Ruah Awk

Mogok leiah tlangval pahnih 2, an nunnak aliam mi hna kong he pehtlaihin, kan chin u nau Mizoram ah ralzaam mi pawl hna  theih awk ah an tuanbia tawite in kan vun ttial nak kha a si.

Mogok lei tlangval pahnih hna cu Min Aung Hlaing le a ralkap hna nih Myanmar uk nak phunglo ning i an uk mi cu an thin hung ngai ngai, sihmanhselaw zei ti awk le tuah khawh zong an nei bik hlei tung lo.

Thin hun ngai ko zong ah hawikom pahnih hna cu ralkap hna uk nak doh i lamzawh le sandahpiah tilo cu ram caah ti khawh an neihlo cu pawi an ti ngai.

Nikhat cu hawikom hna pahnih lakah pakhat zawk cu sandahpiah lamzawhnak ah kal an timh cuahmah lio ko khin a nu nih ka fa aw tu ni cu lamzawhnak ah kal duh hlah tiah a thloh len ko. sihmanhselaw cu tlangval pa nih cun ka nu aw zei ruangah ko khin hme kal cu na awih lo i na lung siarem lo ngai hnga tiah a hal? a nu nih cun ka fa pa tu ni cu e na kal lo ah a ttha deuh ko hnga zahan zan ka mang mui a ttha lo tuk i na kal hrim cun poipang na tuar hrim ko ka zumh e tiah a ti.

Tlangval nih a nu bia a leh nak cu, ka nu aw kei nih hin kan ram ca hrimah thil ttha zei hman tuah khawh mi le santlai nak zeihman ka nei ttunglo, lamzawh le sandahpiah nak i kal lawng hi peih ka tuah khawh ve mi le ti khawh ve mi a si ko cu. mah cu ruangah kan ram caah tiin ka tuah khawhmi tawk tuah ve dingin lamzawhnak cun ka kal a herh hrim ko e tiah a chim.

Tlangval pa nih a chim chap mi cu, kan chungkhar nihmaw leng hrimah chuak la ci a ttihnung tuk an ti si ko zong ah, zeitin hme leng kan chuah lo i lamzawhnak ah maw ho hmanh kan kal ttunglo a si cun zei tik khin dah Democracy cu kan hmuh khawh ne hnga tiah a ti. Vulei ral bawi maw ram bawi um tteuh ko hmanh hna selaw, kan ram caah tuah khoh mi le ti khoh mi an nei hlei cuang lo nangma le kei mah a ram mi ti dah lo nih cun.

Myanmar Junta hna nih cun mino duhnung cuahmah lio ko zong khi zei rello in a kah thluah mah ko. Sihmanhselaw, nangmah le keimah nih hriamnam kar zongah ralkap  hna cu kan doh hrim a hau ko.Ralkap ttih ruangah kan ram kan zam tak viar cun zei tin ko hme Democracy cu kan hmuh khawh ne la. na ruat ve bal maw?

Be the first to comment on "Mogok Hawikom Thihnak Konglam He Pehtlai In Chin Mi Ralzaam Hna Ruah Awk"

Leave a comment

Your email address will not be published.


*