Myanmar cozah nih Covid-19 kong ah lih le thilthup a ngei mi MNTV le IT nih an phuan piak; China bantuk pei a si ve ko hi

Myanmar cozah nih China a tuah ning zulh i mah bantuk in lih le thup mi a ngei mi cu a pawi tak tak, mah bantuk thil hi cu mipi sin ah fiangtein theiterna/thawngthannak tuah ding a si. Lih le thil thup a ngei caah a innpa chakthlang a si mi Manipur, Nagaland, Arunachal Pradest le Mizoram nih an zum lo caah ramri cu thatein venhimnak tuah a si tiah IT News nih a langter

Myanmar Ministry of health and sports nih website ah a langter ning ah cun Myanmar ram chungah mah zawtnak a ngei mi minung 151 an um cang tiin a langter, minung 6 an thi cang, zawtnak angei mi lakah minung 31 cu an dam tthan cang tiah a langter

Natein Myanmar base Televison MNTV nih cun kawlram chungah coronavirus zawtnak ruangah a thimi zat cu April 27 ah minung 44 an phan cang tiin a langter, Mah zawtnak ruangah a thimi hna hi, home quarantine ah chia mi tampi an nih tel ve tiah a chim

MNTV nih cun Mandalay General Hospital ah mi 325 cu isolation ward ah chia an si. Cun mi 183 hna cu test tuah hnuah mah coronavirus zawtnak an ngei lo tiah a langter i mah hnuah inn lei ah lawiter an si tthan tiin a chim. Mah Mandalay General Hospital ah minung 7 cu April 24 ah an thi. April 25 ah minung 5an thi than. Mah minung 12 a thimi he Myanmar ram chungah April 27 ah Coronavirus ruangah a thimi dihlak cu minung 44 an phan cang. Zahan tiang a thimi zat hi minung 47 an phan cang tiah a chim

Mandalay General Hospital ah sibawi pawl nih cun siizungah a thimi hna hi Covid ruangah si loin zawtnak an rak ngei cia mi ruangah thimi an si tiin alangter. Mah zawtnak an rak ngei cia mi hna cu, Diabetes, High Blood Pressure, Cancer,, Hepatitis C, Brain inflation, Lung disease le TB hna asi tiin Chief Medical Officer Dr. Dundun nih a chim

April 28 ah Sanya San Tun Hospital, Taunggyi ah damlo nu pakhat a thi, cun Aungmyatasan, Changmyatasi, Mata yar, Moeguat, Kyatpyin Tapatkyin, Pwinoolwin, Sinkyai, Kawlin le Chanayetasan khua siizungah tampi thi an um tthan tiin TV report nih alangter

Health Ministry lei ah cun May 1 le Ni 2 ah kawlram chungah coronavirus zawtnak angei mi an um lo ti a chim, natein ramdangah um mipawl kir an sian cang caah tu arah ding mi zar thawk in cun ralrin tein um a her cang lai tiah a langter. Zarte ni ah Japan ram in kawlram chungah a kir mi zat cu minung 195 an si i, a hlan ah South Korea ram in Kawlram ah a kir mi minung 140 ah si cang.

State Counsellor Aung San Suu Kyi nih Thailand le Malaysia ah rian ttuan in a kal mi minung 100000 hrawng cu kawlram chungah kir a tim mi an um tiin a chim

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah¬† le¬† thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Myanmar cozah nih Covid-19 kong ah lih le thilthup a ngei mi MNTV le IT nih an phuan piak; China bantuk pei a si ve ko hi"

Leave a comment

Your email address will not be published.


*