Myanmar Star, Ma Kyal Sin a uar ning a chim mi nih mi tampi lungthin a khuai

India ram chungah a nganbik football hruaitu ah member a si ve mi, MP a cuh cang mi le Mizoram football ah hruaitu bik Honorary Secretary a ttuan lio mi Lalnghinglova Hmar nih

kawlram rising star an ti mi, Miss Ma Kyal Sin kong ah a lungput a chim mi nih Mizoram mipi lungthin a khuai hna. Lalhninglova Hmar hi India ram aiawh in FIFA meeting ah a kal ve cang mi a si

A chim ning a cun, Mah hmangthlak (Ma Kyal Sin hmangthlak) ka vun hmuh cu, chim ding ka ngei lo, zeihman ka si lo ning fiang tein ka thei chin lengmang

Ram caah a nun a thap ngam mi, nusal Ma Kyal Sin nih a ram caah a lunthing dihlak a rak pek cang. Mah cu a taktak in a lang ter

Ram le miphung caah thil tha tuah har kan ti tuk lio ah amah (Ma Kyal Sin) nih cun, a nun thap in a ram caah heh tiah a cawlhcang.

Nu, Pa ngak in a nem deuh mi a si nain, a chunglei lungthin ahcun  tei khawh lo mi lungput a ngei i, mah lungput nih a ram caah tih ngei lo in heh tiah raltha tein cawlhcang khawhnak a pek

Myanmar ralkap nih a thinlung an tei khawh lo caah an tei khawh mi pakhat a taksa ah meithal in an kah. Natein a lungthin cu myanmar ralkap meithal nih a tawn kho lo. A ram caah a dawngtian in nun thap in a doh ngam

Aram caah nun thap in a pek ning ka hmuh ahhin zeihman chim ding ka ngei lo, zeihman ka si lo ning fiangtein ka thei i, a sungh ka khang. Ma Kyal Sin ka uar ning a zual chin

Nungak na thih ning cu,  na nun khua a sau lai. Asi, Angel (Ma Kyal Sin) bantuk in mah le tuah khawh mi cio ah ram le miphung caah rian tuan cio hna u sih law, “Everything will be ok” By- Lalnghinglova Hmar

Be the first to comment on "Myanmar Star, Ma Kyal Sin a uar ning a chim mi nih mi tampi lungthin a khuai"

Leave a comment

Your email address will not be published.


*