Myanmar Zalonnak Konglam Kan Philh Bal Ti Lo Ding Mi

Liamcia kum 76 ah khan Japan le Burma Independence Army nih Burma ram zalonnak caah, ram uktu rian a tlaitu, British colonialists pawl tthawlnak rian an thawk.

August 1, 1943 zingka ah, Dr. Ba Maw nih ram hruainak rian cu a vun tlaih, zanlei ah Myanmar zalonnak (independence) cu radio in thawngthanhnak an vun ngei colh, US le British dohnak thawngthanhnak zong vawlei cung ram vialte an theihter dih colh hna.

Cubantuk ni ahcun, rang hnuhmi mawttaw, ke pathum ngei rickshaw, saikal, le car mawttaw in yangon khuachung lampi an ttawl, Burma ram zalonnak fianternak caah mipi hmuh khawh in flag an taar.

Japan vanlawng pathum cu Burma ram thlitu ah an zuang i, zalonnak theihternak cattial cu rammi hna rel awk ah an thlak, Myanmar zalonnak cu Germany, Thailand, Nanjing, Bulgaria le Manchuria nih an dirkamhnak bia zong phuan a si.

Sihmanhselaw, Japan dirkamhnak le hruainak in kalpimi Independence nih ningzahnak lamlei ah rammi hna a hruai thluahmah hna, lentecelhnak sawhsawh bantuk zalonnak ko a lawh caah rammi hna cu puarhrang ngaingai in uk an si.

Kum 2 a liam dih hnu ah, General Aung San le a ralkap hruainak in a rak dirkamhtu Japanese pawl cu an tuk hna.

Ralpi pahnihnak, kum 1945 ah khan Japanese le British ralkap hna cu heh tiah Myanmar ram chungah an i tu, Japan ralkap 100,000 leeng nunnak a liam, raltuknak nih donghlei a panh tthan thluahmah i Burma zalonnak cu a fek tthan thluahmah.

Japan ralkap pawl cu September, kum 1945 ah khan raltuknak in an i surrender.

Be the first to comment on "Myanmar Zalonnak Konglam Kan Philh Bal Ti Lo Ding Mi"

Leave a comment

Your email address will not be published.


*