A poi tak tak, minung a si ve ko mi, zumnak ruangah saram thah batuk in thah lengmang cu a fak tuk hrinhrang ko. Zumtu hna i pum huam lo in kan um lio ah mi ceu cu i pum duh zongah an zumnak ruangah saram thah bantuk in an um ko. Chin/Lai mi kan zumnak hi thatein kan ruah a hau cang. Khrifa ka si ti tung i Biak inn ah i pum tiang huam lo in kan um tawn mi hna hi ruah ah cun zeitluk in dah kan zumnak ah kan der ti a fiang ngai
Ni 5 (Friday) ah West African, Central mali ah khrifa hna cu fulani herders pawl nih motor le bike hmangin ceilak in an tuk hna i, minung 21 kha cu meithal hmangin thi tiang kah an si i, minung panga cu an tlai hna hi nungbu in mei in thi tiang an dua hna
Mah bantuk in fulani pawl nih an thahnak ruangah bik cu, mah khrifa pawl hna hi ram dang sin in bawmhnak an hmuh. Mah cu fulani herders (muslim) pawl nih an duh lo i an nahchuah hna caah mah bantuk in an cungah an tuah mi a si tiin interdenominational Christian aid agency Barnabus Aid nih a chim. Mah bantuk in zumnak ah kan unau a si mi cungah thil a tlung tawn caah fakpi in thlacam bawmh an he ngai. Source-Morning stare News
Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.
Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor
Leave a comment