Nancy Pelosi a mangchia tuk cang lai hi, A zumh ning bantuk in a si ti lai lo ee!!

  Nancy Pelosi nih House Speaker si than ding in heh tiah House members pawl sin ah ca a rak kuat hna kha. Mah bantuk in a tuah mi kha phuan piak a rak si cang kha. Chinpage ah fiangtein ka rak tial cang kha

Democrat nu pali, Democrat nih an uar ngai mi “THE SQUAD” tiah min an sak mi, House member 4 nih Senate thim hlan ah khan, Nancy Pelosi hi House Speaker caah an duh lo ti an rak chim cang kha

Republicans bantuk an si ve ko, Democrats chungah buainak a rak tam ngai ve. Covid-19 bawmhnak ah heh tiah an rak buai ve cang kha. Ramdang in US a pem mi, House of Representative members ah thim mi hna an si

The squad nih members thar 2 an ngei chap. Representatives-elect Cori Bush & Jamaal Bowman nih House Speaker ah a voihnihnak ding caah Nancy Pelosi vote an nih tim ti lo ti fiang cik cek in an chim cang.

An mah pahnih hlan ah, House member pahnih AOC Alexandria Ocasio-Cortez nih Democratic Party nih House speaker thar kan her cang tiin a rak chim cang.

Nancy Pelosi hi a sual tuk caah a duh lo mi an tam nagi cang. House Speaker caah a umnak party Democrat nih an duh bak ti lo ti. Source-RTK

A relchap duh mi caah… US thawngpang cu a buai chin lengmang cang ko, President Trump zong a sum duh ti lo, a lungah um mi poah a chim thluamah ko cang.

Tu tiang ka sungh ti a chim duh lo nak ruang cu mah January Ni 6 a vun phan ding mi kong hi si lai tiah mi tampi nih an zum

Trump nih a chim mi cu, mah bantuk in kum 2020 president thimnak kongah, vote hlennak le lih a tam ning fiangtein tehte a um bu in Justice Department le FBI nih president thimnak kongah zeihman dothlanak tuah an nih tim lo

Mah election hlennak hi US ram, tuanbia ah a ngan bik a si lai. Mah bantuk in evidence a um ko buin thil dothlatnak zeihman an tuah lo mi cu

FBI le Justice Department caah ningzah tuk mi thil si cang. Ningzah cik cek in um hna seh. Tuanbia nih a philh ti lai lo. Kan ngol nem mam lai lo. Mi vialte hna, January Ni 6 ah zeidah a tlung ti zoh hna u sih tiin, Twitter le Facebook ah a tial

Be the first to comment on "Nancy Pelosi a mangchia tuk cang lai hi, A zumh ning bantuk in a si ti lai lo ee!!"

Leave a comment

Your email address will not be published.


*