Nancy Pelosi cu a zum ning bantuk in a sungh than hoi cang. Ceilak in an phomh cang

Trump impeachment nih Media kip a khat ko caah Trump Impeachment kongah bia le hla hi vun tial thluamah ko hna u sih. Trump impeachment an tuah hlan ah Nancy Pelosi kha heh tiah tuah lo ding in an rak ti cang

Natein a mah nawl a duh tuk caah a voihhinhnak ding caah a zum ning bantuk in a sungh than hoi cang.

Senate ah Republican 50 an si caah Republican Senator pawl nih Trump hi an hlawn lai lo ti kha Nancy Pelosi an rak chim cang

Trump 4 chung President a rak si lio ah a thil tuah mi kha Republican Senator pawl nih an nih ua pi ngai mi a si.

Impeachment an tuah hlan ah Nancy Pelosi nih Republican Senator pawl biakhianak an tuah mi thei a duh tuk ning kong heh tiah a chim kha.

Atu cu Republican pawl nih Trump cu sualnak angei lo tiah thiam an cohter cang. Nancy Pelosi nih kum 2 chung, House Speaker a si chung in US ram le mipi caah thil tha tuan hman lo in Trump impeachment kong lawngte a buaipi

Trump voihnih impeachment nan tuah, American tuanbia nan tial, Natein tuanbia chia biak na tial tiah mi tampi nih heh tiah an phomh ve ang

Donald Trump Federal Office ah nawl ngeinak a ngei than lai tiah nan tih tuk mi cu tlam a tling ti lo.

Kum 4 chung kha Trump doh lo in atu Trump rian a tuan ning bantuk le Joe Biden rian tuan a tim ning bantuk in President kha thatein rian rak tuan pi u law

US cu khi lei ah a um cang lai. US cu a ropui tuk cang lai. Nangmah ruangah President Trump nih rian tha tha hman a tuan hman lo in, US hrawh tuk dik cu nangmah hi na si tiin Nancy Pelosi cu ceilak in an phomh

President Trump kha rak doh lo in China le Russia kha heh tiah rak doh law, Upat tuk mi le sunglawi ngai in na rian tuan mi hi na dawngter lai

Joe Biden nih America Unity, Healing tiah a rak chim peng mi kha zeitindah tuan na tim. America mipi 75 million, Trump vote tu hna lung na fakter ning hi na thei lo maw?

Trump nih teinak a hmuh caah US mipi, Trump vote a rak petu million 75 cu Nancy Pelosi le Schumer cungah an thinhun tuk cang tiah media tampi nih an tial. Credit-RTK

Be the first to comment on "Nancy Pelosi cu a zum ning bantuk in a sungh than hoi cang. Ceilak in an phomh cang"

Leave a comment

Your email address will not be published.


*