Nancy Pelosi mangchia, Trump cungah thil thalo tuah a tim mi cu amah cungah a tlung cang lai

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

US politic cu alinsa chin lengmang cang, Republican le Democrat pawl cu meheh le cuico bantuk in an um cang. Kan thei cia bantuk in Trump cu Covid a ngei, Trump Covid a ngei hnuah Nancy Pelosi nih President Trump nawlngeinak cu 25th Amendment hmangin lak piak a tim

Trump cu Covid a ngei cang caah, mental hei ah buainak a ngei tiah House ah Commission dir a tim. Atu cu Trump cung tuah a tim mi cu a cungah a tlung cang.

Rep. Doug Collins nih nikhat ni/Monday ah Nancy Pelosi hi mental health lei ah buianak a ngei, amah hi House Speaker a sinak in ngawlter ding a si tiah resolution a chua pi cang. Nancy Pelosi hi Hose Speaker si ding in a tling ti lo, House speaker in ngawlter ding a si tiah a chim

A chim ning a cun, “Speaker Nancy Pelosi’ hi US phunlam ning tein rian a ttuan duh lo. A rian ttuan ning le a thil tuah ning vialte nih a langter dih cang ko kha. Nai ah khan amah le mah Mental fitness ah bia halnak zong a tuah kha, Cucaah mah bantuk thil a cang mi hi a saw sawh mi a si lo caah House of representative nih House speaker Nancy  Pelosi cu a rian in ngawlnger ding a si tiah a chim

Nancy Pelosi nih a si ning tein rian a ttuan kho lo caah House Speaker ding in a tlak ti lo, cucaah House Speaker a si nak in ngawlter ding a si lai tiah a chim chap

A chim chap mi cu, Nancy Pelosi nih a her lo mi kongah dothlatnak tuah ding in rian a ttuan peng. A herh lo mi kongah President Trump a doh i a thangchiat peng, Kum 2019 ah Trump impeachment an tuah mi vialte zong kha a her lo mi lawngte a si

A herh lo mi thil tam pi a tuah, chim ding tampi a um. President Trump nih State of the Union Speech a ngei hnuah Trump bia chim mi paper cu House chungah a thleh. Mah bantuk in thil herh lo mi a tuah mi a tamtuk caah amah hi mental health lei ah buainak a ngei mi a si caah a rian in phuan si seh tiah a chim. Source-Foxnews

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Nancy Pelosi mangchia, Trump cungah thil thalo tuah a tim mi cu amah cungah a tlung cang lai"

Leave a comment

Your email address will not be published.


*