Nancy Pelosi nih Trump cungah tuah a tim mi nih US mipi a lau ter tuk cang

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Tu lio thawngpang linsa ngai miphat a vun chuak tthan hoi cang. Trump Covid a ngei hnuah Democrat pawl nih Trump cu, President a si ti lonak ding caah le a nawlngeinak lakpiak an nih tim ning kong a si. Speaker Nancy Pelosi nih thil sining fiangtein a chim cang

Nancy Pelosi nih Donald Trump’s mental health ruangah Office ah rian ttuan tlak a si ti lo tiin a chim. A chim ning a cun, amah President hrim hrim hi thawl kan duh ruangah si lo in tiin a chim chap

25th Amendment hmangin, Unfit President a si ning langter nak ding caah Commission kan dir lai tiah a chim cang. Press conference zong a au, natein Democrats Congress tampi nih a thil tuah ning hi an cohlan piak duh lo

Election nak ding caah Ni 24 lawng a um cang. Mah bantuk in Election a nai tuk mi ah, Commission dang vun dir i thil tuah kha a her lo mi a si tiah an ti piak. US mipi tampi nih an soisel thluamah cang

Kum 2020 election ah Democrats pawl nih teinak an hmuh khawhnak ding caah rian fakpi an tuan lio a si. Mah bantuk in thil an tuah than a si ah cun Democrat pawl an sungh khawh tiah mi tampi nih an zum

Democrat Senators tampi nih mah bantuk buainak tuah an duh ti lo. Dr. Sean nih President Trump dirhmun a that ning le a taksa thawngning thil fiangtein langter ding in ready in a um cang.

Nancy Pelosi nih mah bantuk in President Trump cungah thil a tuah ruangah mi tampi nih Trump an vote   ali tiah Democrat Senator pawl an zum. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.
Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "Nancy Pelosi nih Trump cungah tuah a tim mi nih US mipi a lau ter tuk cang"

Leave a comment

Your email address will not be published.


*