Nawlngailo a poi ning cu!! Coronavirus ruangah thla 3 bak thawnginn ah chia an si lai. Chinmi nih kan tuah lo ding a tha

Cozah nih mipi himnak caah a ser mi zulhding a timi hi nawlngaitein zulh ding si ko, chinram chungah mah bantuk in tuah ve seh tha hnga maw? Sagaing Region chungah Wet Let khuah zan suimilam 10PM in Zinlei suimilam 4 AM tiang lengchuak siang a si lo. Natein mino paruk cu nawlngai loin Bike in leng an chuak i, palik nih an tlaih hna. Court nih an kong a cei hnuah thlathum chung thawnginn ah um ding in dan a tat hna tiin DVB nih a langter

May Ni 4 zan ah Watlet khua ah rian ttuantu le palik hna cu duty in an vak lio ah suimilam 11:00PM hrawngah lampi ah bike 2 cu cu tlaih an si.  Bike pakhat ah mi pathum an nih cit. Rian ttuantu hna hi zeiruangah dah langah nan chuak tiah bia an hal hna i, natein a ruang zeihman chim ding an ngei lo caah nawlngailo nan si ttin an tlaih hna. Credit: DVB Tv News, 6.5.2020.

Tu lio zawtnak ttih nun ning cu thei dih a si ko cang caah, chin mipi nih cun nawlngaitein um i zuam hna u sih, mah bantuk in nawlngailo ruangah kan ram, chinmi nih fakpi in harnak le buainak kan tawn khawh mi a si ti thei bu in rian ttuantu le Coronavirus zulhding an ser mi hi keimah ka himnak caah a si tiah thei bu in nawlngai i zuam chin chin hna u si.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Nawlngailo a poi ning cu!! Coronavirus ruangah thla 3 bak thawnginn ah chia an si lai. Chinmi nih kan tuah lo ding a tha"

Leave a comment

Your email address will not be published.


*