Ngai a nuam chin lengmang cang ko, Trump thiltuah mi hi China nih zeitindah a leh te lai tiah vawlei nih an zoh cang ko?

Tih a nung chin chin, ngai a nuam chin chin si cang ko hi. President Trump thil tuah mi cu China caah cung mitthli he zoh sawh sawh si cang ko hi.

A hman bak, uar um fawn, adik fawn, Trump ruangah vawlei cung hi a him ti usi law ka chim sual lai lo, aruang cu China nih vawleicung ramkip uk a tim ning fiangtein Mike Pompoe nih a chim cang. Vawlei cungah ram tampi cu China kut tangah an um cang, China nih a duh poah in an cungah thil a tuah i zeihman an chim/holh ngam ti lo

Indopacific ah China nih 100% nawlngei a tim, Indopacific ah buainak hi a sau cang. Mah hi President nih fiantein a thei caah President a si hnu ah Indopacifi ah fakpi in rian a ttuan. Mah ruangah China cu USA cungah tu tiang vuivai in a um peng. Indopacific ah hin China nih 100% nawlngei a tim ti President Trump nih a thei bak in Naval Force a dir cawlh. Naval force nih Indopacific cungah China a cawlcang ning an zoh peng i, China nih nawl a ngei lonak ding caah fakpi in rian an tuan peng

Mah bantuk in USA nih thil a tuah caah Indopacific cu China nih ka ta 100% a ti ngam ti lo, US nih hin Guam base in Bombers le Aircraft carrier hna cu South China sea le Filipino Island – Vietnam te ram hna him tein an um khawhnak ding caah a duty in a chuak peng

US nih Aircraft carrier hna cu mah China sea ah patrolling a tuah tawn. Aircraft carrier, cruisers, destroyers, fighter jets & aircraft pawl nih an zulh tawn. US nih Coronavirus out break cu China ruangah a si tiin China thil tuahmi cu a cohlan khoh bak lo, Beijing nih Hong Kong cungah ceilak in upadi a ser.

South China Sea cu ka ta tiin a ta bantuk in a zoh. Mah bantuk in China nih ramdang cungah thil a tuah lio ah ramdang nih zeihman an holh/chim ngam lo, daitein an um, Natein USA nih China cu ceilak in phomh i, a thil tuah bantuk in dantatnak a cungah a tuah lengmang ve

Bonnie Glaser, director of the China Power Project at the Center for Strategic and International Studies ” China Covid-19 cu an free cang. Natein USA cu an buai chin lengmang cang, mah bantuk caan tha hi China nih lak a tim i, Indopacific ah nawlngei tthan a tim, mah kong hi Washington nih a thei bak in a duh bak lo, a rang nak in Naval Force hna cu Indopacific areas ah a thla cawlh. Mah bantuk in China nih thil tuah a tim lengmang caah President Trump nih China ralkap he pehtlaihnak a ngei mi tiah a zum mi poah USA ram chungah siang inn a kai mi poah cu an visa a phih piak thluamah ko

US nih Carrier strike group 3, Indopacific ah a chia mi hi a hlan ah an rak tuah bal mi thil a si lo. The US national defense strategy nih China nih a buaipi bik mi cu, Pentagon doh zongin thil tuah hi a si. Stephen Koehler, director of operations Indo-Pacific Command “Carriers & carrier strike groups hi American naval power langternak a si. Carrier strike groups 3 Indo pacific ah chia a si chung poah cu China nih zeihman a tuah khawh lai ti zum a si lo

Tu hi USS Theodore Roosevelt & strike group hna cu Philippine Sea ah an um. USS Nimitz strike group, Pacific off the US West Coast lei ah, USS Ronald Reagan cu Japan bawm ding in Philippine Sea South ah a um lio a si. Source-Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Ngai a nuam chin lengmang cang ko, Trump thiltuah mi hi China nih zeitindah a leh te lai tiah vawlei nih an zoh cang ko?"

Leave a comment

Your email address will not be published.


*