Nihin ASEAN Meeting Cu An Dih Cang Myanmar Kongah Hnatlaknak An Tuahmi 5 A Um

Myanmar Kongah ASEAN Meeting Hnatlaknak 5 A Rauh Hlanah An Thanh Khawh Lai!

April 24, cawn niruk ni, Indonesia rak Jakarta khuapi ah tuahmi Myanmar buainak kong ceihkhannak ASEAN meeting cu an dih! Myanmar kongah zeitindah biachahnak an tuah ti theih a si rih lo!

Malaysia PM Muyhiddin Yassin nih cun “Ningcang lo sersatnak ngol ding le tlaihmi vialte thlah dingin Malaysia nih biatung kan chuahpimi cu an cohlan theu lai tiah kan zumh” tiah a chim!

Indonesia president Joko Widodo nih “Tutan Myanmar buainak kong ceihmi he pehtlai in a rauh hlanah zapi hnatlaknak 5 kan thanh khawh lai” tiah meeting an dih in thawnglatu hna sinah a chim!

Zapi hnatlaknak 5 cu zeidah an si ti theih a si rih ko nain Myanmar thlenremhnak caah san a tlai dinhmi hnatlaknak an si ko lai tiah zumh a si!

Be the first to comment on "Nihin ASEAN Meeting Cu An Dih Cang Myanmar Kongah Hnatlaknak An Tuahmi 5 A Um"

Leave a comment

Your email address will not be published.


*