Nihin thawngpang chia tuk mi 3. MAH an sual chin lengmang ko

Kalaymyo le Tahan cu ralkap pawl mipi lamzawhtu pawl cu heh tiah an kah tawn hna, natein Nihin lamzawhtu tampi an um thang. Nihin tiang lamzawh hi an tuah peng. Nihin zawng ralkap tampi karlak ah mipi lei nih lamzawhnak an ngei than i.

Tamu Town Sagaing region ah hotu pakhat nih  Mizzima sin ah a chim ning ahcun Nihin ah ralkap pawl nih unau pahnih pa le nu cu meithal in an kah than hna. Suimilam 3 tiang cu an ruak hi a hohman nih an lak ngam lo tiin a chim

Tu zan lei ah Chin media site tampi nih an tial ning ah cun, Tedim khua ah CDM a lut mi, cozah riantuan Pu Do Sian Pau cu April 11, zaan suimilaam 11:00 hrawng ah ralkap nih tlaih ding in a inn ah an fuh nain inn ah a rak um lo ca ah an tlai kho lo.

Pu Do Sian Pau an tlaih khawh lo ca ah kum 70 a si cang mi hringtu a pa le a nu Rev. Khup Khen Pau le a nupi an tlaih hna tiah tualchung media hna sin in kan theih. Rev. Khup Khen Pau cu Cope Memorial Baptist Church ah Pastor a rak tuan i pension a la cang mi a si tiah kan theih.

Cu leng ah, Myoma sang ah a um mi boarding sianginn ngeitu Saya Cin Bawi zong tlaih ding in an fuh nain a um lo ca ah amah ai ah a nupi an kalpi ti zong kan theihchih.

Nihin zarhpi nih ah kawl ralkap nih Hakha ah vote rel thannak an tuah tiin Chin media site tampi nih an tial.  Mah vote rel thannak ah hin mi dang party an tel mi thei a si lo, an mah ralkap pawl lawng nih mah bantuk vote rel thannak hi an tuah tiah thei a si.

Mah vote an rel than mi hi zeibantuk dirhmun a va si zong ah, November 8 ah vote an rak rel cia mi ah khan NLD lei nih ceilak in an rak tei cang caa atu vote an rel than mi kongah zeihman mipi lungthin a thleng lai lo ti cu mipi zum ning a si

Be the first to comment on "Nihin thawngpang chia tuk mi 3. MAH an sual chin lengmang ko"

Leave a comment

Your email address will not be published.


*