Nihin UN meeting cu MAH caah mangchia si cang lai

UN Security Council ah US le EU nih Myanmar Kong Fak Ngaiin an Chim, April 9 zaan ah tuahmi Myanmar ram kong UNSC meeting ah US le EU nih Myanmar ralkap cung ah fak piin action lak ding in bia an chim.

“Myanmar rammi hna cung ah tuksum sualnak a tuahtu Myanmar ralkap hi UNSC nih hmual ngei taktak in action a lak awk a si cang. Myanmar ralkap sin ah vawleicung ram hna nih ralhriam zuarh lo ding le Myanmar ralkap tangka hmuhnak rianttuannak vialte UNSC nih phihkhan ding in a tawlrel a hau cang,” tiah US nih a chim.

EU nih, “Atu Myanmar ram ah a cangmi hi anmah ramchung kong lawng a si ti lo. Innpa ram zong a hnorsuan cang pin ah vawleicung daihnak le humhimnak tiang in a hnorsuan cang, Myanmar ram kong ah UN General Assembly pi auh i awaan khat in biachahnak tuah kho ding in EU le kan hawile ram pawl kan i zuam cuahmah,” tiah a chim.

US Ambassador Linda Thomas-Greenfield nih, “Myanmar ralkap nih an tuah fihnung tteihfiak sualnak hi anmah lila hrimhrim nih an temtuar ve a herh. Cucaah, Myanmar ram daihnak le a kiangkap ram pawl daihnak ca ah cun hmual a ngeimi action kan lak hrim a hau,” tiah a chim. The Chin Journal

Tu an tuah cuahmahmi UN Security Council biaruahnak ah Kawlrammi pathum bia an chim i CRPH in Zin Ma Aung zong biachimnak an pek ve nain a chimmi a dih hlan ah a bia an tan.

Ram dang nih an chim cio hnu Kyaw Moe Htun biachim khawh in a van chim. Le Kawlram buainak kong chim ti lo in Kawlrammi hna nih Federal Democracy hmuhnak ding ah zeipaoh thap an ngamh cang tiah a bia a donghter.

CRPH fianghlang tein hriamnam le ralkap thazang in bawmhnak kan herh tiah a chim. The Netherlands i Sai Sai Kham? nih Ralkap le Rammi kan i pehtlaihnak hi remh awk ttha loin a rawk cang caah a nemnak in cun zei a phi hmanh a chuak lai lo, tiah Ralkap zong ICC ah tazacuai ding in kan zuam piak u, tiah a chim.

Russia nih fiang ko in Kawlram kong ah i thlak kan duh lo a ti, i Tuluk mih cun Dilpmacy hmang in kanmah ram innpa le ASEAN zong nih kan zuan hnawh ko hna ti lei in a chim. Atu cu Russia fakpi in phomh a herh cang. A tawinak in Kawlram aiawh an chimmi kan van ṭial ta duakmi a si. Credit: Teirial Catialtu

Be the first to comment on "Nihin UN meeting cu MAH caah mangchia si cang lai"

Leave a comment

Your email address will not be published.


*