Nihinah Alaw Bum Tlang Cungah KIA Le Ralhrang I Dohnak Ah I Donak Vanlawng Le Bomb In Kah An Si

April 25 ,zinglei 9:00 in zaanlei 3:30 tiang Mumoh peng,Myothit ,Kunglaw lei Alaw Bum tlang kiangkap ah ralhrang rallokap nih raltuk nak vanlawng (10) nak tlawm lo in bom in an kah hna.

April 24, zing lei ah Kachin ramkulh.MyoThit le Kunglaw khua lei , Alaw Bum ah doh ding in a kai mi nawlngaih nak latu rallokap phu တပ္မ (88) cu KIA he fak ngai in kahdohnak a chuak. Kachin ralkap nih tlang cung in an van doh ve hna ruangah

rallokap lei a thi mi an tam,rallokap nih ral dohnak vanlawg hmang in an doh hna nak kong cu Kachin news nih a langhter.

Ralhrang rallokap nih ral dohnak vanlawng in an kah mi hna bomb le kuan pawl cu Alaw Bum tlang cung ah ke in kal mi anmah ralhrang rallokap lila sin ah a tlak caah ralhrang rallokap lei a thi mi an tam nak a si tiah Kachin news nih a langhter.

Alaw Bum tlang sakhan cu ral dohnak ah hmun tha ngai a si i Kachin ralkap KIA nih a luan cia mi March thla chungah khan ralhrang rallokap kut in an lak khawh mi a si.

Cu sakhan cu hramhram uknak latu rallokap nih lakthan ding in a phunphun in an i zuam nain a tutiang cu lak khawh lo in le ralkap lei tam pi an thi cang tiah Kachin news nih a langhter.Credit-TCP

Be the first to comment on "Nihinah Alaw Bum Tlang Cungah KIA Le Ralhrang I Dohnak Ah I Donak Vanlawng Le Bomb In Kah An Si"

Leave a comment

Your email address will not be published.


*