Nu nih an uar tuk mi nih a dongnak ding caah Trump kong a chim; Democrat le Media ceilak in a phomh hna

 

Trump Advisors  lak ah a ttuan sau cem mi Kellyanne Conway nih  President Trump  rian ttuan ning le US le mipi le ram a dawt ning kong ah ceilak in a thangthat.

“President a si hlan ah Business a rak ttuannak a zong nu tampi rian a rak ser piak tawn hna. Nu pawl hmai lei ah kar kan hlan lengmang khawhnak ding caah lam kau pi  akan ser piak tu a si

Mah Chinpage ah ni fatin US thawngpang 4/5 ka ttial peng caah, US thawngpang rel na duh a cun mah Chinpage hi like/follow vun tuah law, ni fatin US thawngpang 4/5 na rel khawh peng lai tinak a si.

Trump team cu mi tampi nih an kan soisel lio ah zong si seh US mipi caah rian tamtuk million leng kan ser piak hna. Mipi sin ah ka chim duh mi cu bia kan thei mi poah hi a dik dih tinak a si lo. Kan hmuh tam mi le kan thei tam mi poah hi kan zum ding a si lo.

Kan mah pumpak lungthin hi kan zum ngam ding a si. America Ideal dik le hman mi kha kan nung pi awk a si. US ram chungah buainak ser le thil hrawh nak in cun, US ram caah thil tha tuah i tim deuh hna u sih.

Donald Trump hi a si ning bantuk in a lang peng mi a si. Lih le thil thup a ngei thiam lo mi minung a si. Mi lungput tha, Amah bantuk President ngei tthan ding mi hi US mipi nih kan her.

Democrat le Media pawl nih bia dik lo le hman lo mi kha fakpi in an chim/phuang zong ah President dik a si ning nan hmuh peng kha. America mipi nih kan ram, kan chungkhar, kan fa le caah President tha hi kan vote ding a si.

Trump adviser ah a tuan sau cem bik a si. chungkhar lei ah a fa le a zoh kheng duh caah Trump Team cu August thla dawng ah a chuah tak cang lai.  US nu tampi nih an thei cia bantuk in, fa le zohkhen that lo ruangah US ram chungah buainak kan tawn mi pawl hna hi philh ding a si lo. Cu caah cungkhar hi hmasa bik a si caah mah bantuk thawngthannak ka tuah mi hi nan ka thei thiam piak lai tiah,  arak chim cang mi kha si. Credit-RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Nu nih an uar tuk mi nih a dongnak ding caah Trump kong a chim; Democrat le Media ceilak in a phomh hna"

Leave a comment

Your email address will not be published.


*